Lugo, 7 de xullo, 2019. A voceira do Grupo Provincial do PP, Elena Candia, enviaralle unha carta aos grupos con representación provincial, PSOE e BNG, para presentar o seu proxecto de provincia para gobernar a Deputación de Lugo os vindeiros catro anos.
“Unha vez que demos a coñecer o equipo de traballo que me vai acompañar neste mandado, explica, temos que pedirlles a socialistas e nacionalistas que non nos impidan gobernar, posto que somos o partido que os veciños elixiron para gobernar, o que gañou as eleccións do mes de maio e temos un proxecto solvente que levar a cabo. Mentres o noso proxecto podería poñerse en marcha mañá mesmo, os outros partidos nin tan sequera contan cun acordo que lles permita gobernar xuntos, pese ao tempo que pasou desde os comicios”.
A popular considera que o PSOE vive un momento de grande inestabilidade cando a provincia merece un Goberno que só pense nos veciños e veciñas, capaz de antepoñer os seus intereses ás leas internas entre eles. “Con este obxectivo damos un paso adiante e pedirémoslles que non nos impidan gobernar para poder acometer o noso proxecto para o futuro da provincia de Lugo”, precisa.
Candia ofrece traballo e compromiso
Candia recorda que o PSOE deu un espectáculo vergonzoso pelexando polo sillón do presidente, un sillón que os veciños non lle deron. Así, pídenlle ao BNG que, tendo e conta o acontecido neste mandato, recorde as súas declaracións cando deixaron de formar parte do Goberno “teña alturas de miras e pense nun goberno de proxectos e principios”.
Naquel momento o BNG lamentaba “a rotura desa confianza que ten que haber nun goberno para que isto funcione”.
A popular lembra, sen embargo, que nos meses nos que o PP gobernou non houbo unha soa queixa por parte dos nacionalistas á súa xestión.
O equipo que encabeza a presidenta do PP de Lugo busca consenso e ofrece traballo e compromiso. “Ser o partido que gañou as eleccións lévanos a intentar falar do que nos une e traballar por unha institución que funcione con normalidade, con moita intensidade e devolvéndolle a imaxe que merece”, indica.
Trátase, como xa avanzou onte a popular, de buscar a colaboración institucional entre as administracións, como un mecanismo de progreso. O proxecto do Grupo Provincial do PP para os vindeiros catro anos estará centrado en potenciar os servizos sociais, o emprego e desenvolvemento do sectores produtivos, a xuventude e a infancia, avanzar no reto demográfico, a mellora das infraestruturas ou a posta en valor do potencial mediambiental, cultural e turístico do que dispón a provincia.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
