Cervo 8-7-19. No acto, S.M o Rei Felipe VI recibiu a Chave de Ouro do Municipalismo, a máxima distinción coa que a Federación recoñece a quenes defenden e traballan pola democracia local.
O rexedor cervense, e tamén presidente da Comisión de Medio Ambiente da FEMP e vicepresidente da Federación Galega de Municipios e Provincias (Fegamp) compartiu uns intres co Monarca, poñendo en valor o seu grao de implicación e a súa sensibilidade coas institucións locais, co municipalismo, que foron eloxiadas polo propio Rei que destacou “el importante papel de los Ayuntamientos en el progreso de España desde la aprobación de la Carta Magna”.
Villares recorda aquelas primeiras eleccións especialmente, “tiña case 9 anos, pero están gravadas na miña memoria, porque por aquel entón meu pai presentábase para ser representante local polo Concello de Cervo, e teño o recordo moi marcado de acompañalo a facer o reparto de papeletas”, rememora.
Temos que seguir traballando por preservar esa democracia, poñer en valor eses 40 anos de traballo de todas esas persoas plenamente involucradas na vida pública cuxa forza foi o xerme da prosperidade, desa democracia que hoxe temos que seguir cultivando, e na que debemos seguir participando; “onte estivo meu pai, hoxe estou eu, e mañá será a quenda dos nosos fillos”, sentenciou.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
