Ribadeo, 21 de agosto de 2019. A Banda Municipal de Música de Ribadeo ofrecerá o seu clásico concerto de música de cine, con proxección nunha pantalla de fragmentos das películas ás que pertencen as pezas que tocaran, o día 30 deste mes, venres, ás 22:00 horas nas escaleiras da Casa do Concello.
O director da Banda ribadense, David Ballester, anuncia: “a Banda Municipal de Música de Ribadeo continúa cos seus concertos da tempada de verán e o seguinte que temos é o venres día 30 ás dez da noite nas escalinatas do Concello. É un concerto de bandas sonoras, que cada vez está tendo máis éxito”.
David Ballester engade que “a Banda Municipal de Música de Ribadeo nesta ocasión vai interpretar oito obras, que todas elas é a primeira vez que se poñen enriba do atril da Banda, con arranxos algúns deles non moi complicados e outros un pouco máis. Todo isto vai soar co acompañamento das imaxes desas películas, que seguramente sexan recoñecidas por todos porque son algunhas actuais e outras dalgunha serie”.
O director da Banda de Ribadeo quere “invitar á xente a que se achegue ás escalinatas do Concello, xunto ao parque de San Francisco, a gozar tanto da música como da proxección de imaxes. Espero que sexa do agrado de todo o público”.
Ballester sinala que “en caso de que non teñamos unha noite de bo tempo iremos ao auditorio; e se fose así intentaremos avisar coa maior antelación posible para que a xente vaia alí”.
A Banda de Ribadeo ofrecerá o seu concerto de música de cine, con proxección das películas nunha pantalla, o día 30 deste mes nas escaleiras da Casa do Concello
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
