Burela, 1 de agosto, 2019. O técnico Julio Delgado volverá liderar a nave do Pescados Rubén Burela FS en 2019-20 en Primeira RFEF, co inicio de pretempada xa previsto para o vindeiro luns, 5 de agosto. “É un proxecto de continuidade. Vivimos unha tempada bastante boa, aínda que se nos escapou a liga por un par de goles, o resto foi moi boa, co gran premio da Copa da Raíña en Burela, e por iso encaramos este novo ano con máis ilusión aínda”, explicaba o salmantino, arroupado polo presidente, Manuel Blanco, e a vicepresidenta, Cesarina Fanego.
As Guerreiras Laranxas xa están preparadas para a volta ao traballo, nunha pretempada xa con moitos retos por diante: “Era lóxico que o bloque se mantivera pola gran tempada realizada, ademais chegan Ale de Paz e Jenny Lores, que nos darán un plus máis, con experiencia en Primeira División” reflexionaba Julio Delgado, que volverá contar co Peque, Dany, Ana Romero, Cilene, Bea Mateos, Luci, Jozi, Lara Balseiro, Jenny e Cris, ademais da novísima Cristina Lourés, de Comarcal A Fervenza.
“Imos traballar duro porque xa temos a Supercopa á portas. Se rematou ben 2018-19, co título de I Copa de SM A Raíña, tamén queremos comezar ben 2019-20; temos dous títulos en xogo no prazo de oito días e queremos ir a por todo” explicaba así o adestrador facendo referencia ao 4 Nations Futsal de Milán (31 de agosto e 1 de setembro), xunto á Supercopa (6 de setembro). “Aínda temos que compactar o equipo pero xa estamos pensando nesas dúas citas. Creo que temos que seguir o mesmo camiño, o equipo fixo un gran traballo este ano, día a día as xogadoras traballaron na busca de recompensas. Agora o reto é maior; despois de Copa da Raíña e de Copa Galicia, esta tempada queremos máis; a ambición é maior” confesaba Julio.
“Levo catro anos no equipo e creo que a tempada pasada foi un punto de inflexión, conseguimos dar varios a pasos a adiante despois dun par de tempadas de seca, entre eles o convenio colectivo; Pescados Rubén apostou moi forte por nós e iso queremos devolvelo” así se amosaba o técnico mariñán ante 2019-20.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
