Esta semana, Repasando en Verán, tivo como protagonista ás mascotas

 Cervo, 2 de agosto, 2019. Unha actividade programada pola delegación de Educación do Concello de Cervo que contou coa colaboración da Asociación Protectora de Animais Coletiñas – Cervo que levou un gatiño á clase co obxectivo de que os/as nenas/as sexan conscientes de que hai moitos animais nas protectoras agardando un fogar e unha familia que os mimen e queiran.

Puideron ver, ademais, que ter unha mascota require de moitos coidados e compartiron experiencias. Abordouse o importante que é que antes de comprar pensen en todos os animais que están desexando ter unha oportunidade nun novo fogar, e que, polo tanto, se están pensando en ter unha mascota, que adopten.

Foi unha xornada solidaria na que lles temos que agradecer a súa colaboración porque os nenos e as súas familias doaron diferente material para os animais que están na protectora (area, comida, xoguetes…).

Unha mañá moi divertida, lúdica e didáctica na que se incidiu no respecto animal.