Viveiro, 24 de setembro de 2019.- A A Xunta acordou hoxe cos veciños de Xunqueira completar o estudo de alternativas sobre as obras necesarias para minimizar o risco de inundacións neste núcleo urbano do concello de Viveiro. A directora de Augas de Galicia, Teresa Gutiérrez, e o delegado territorial da Xunta en Lugo, José Manuel Balseiro, acompañados polo responsable técnico do estudo, mantiveron hoxe un encontro en Celeiro con representantes dos veciños, no que analizaron as posibilidades de actuación.
Foi un encotro frutífero, que permitiu que Augas de Galicia coñecese de primeira man a posición dos veciños de Xunqueira sobre as posibilidades de actuación, atendese as súas preocupacións concretas e buscase a mellor forma de darlle resposta desde o punto de vista técnico.
Como se avanzou na xuntanza, tras rematar o estudo, a Xunta informará sobre o resultado e o conxunto de administracións deberán abordar o cofinanciamento das obras.
Tras o episodio de inundacións vivido en novembro de 2018, no que hubo que lamentar o falecemento dunha veciña de Xunqueira, Augas de Galicia púxose ao servizo do Concello de Viveiro para traballar na procura de solucións que evitasen riscos futuros.
Así, ademais de colaborar na reparación dos danos causados, Augas de Galicia trasladoulle ao Concello de Viveiro a necesidade de acometer actuacións nas marxes do río ao seu paso polo núcleo urbano de Xunqueira, que está identificado como unha zona de especial risco de inundación.
Para facilitar esa tarefa, a Administración hidráulica autonómica desenvolveu unha modelización hidráulica para precedir o comportamento do río en distintos escenarios de chuvias e avaliar os riscos futuros. Ademais, o estudo da Xunta incluiu tres alternativas de actuación para reforzar a seguridade da zona.
Concluída esa análise, o pasado mes de marzo Augas de Galicia lle remitiu os seus resultados ao Concello de Viveiro para que, como administración competente, e en diálogo cos veciños de Xunqueira, decidise que actuación impulsar.
A Consellería de Infraestruturas e Mobilidade informou, tamén, da súa disposición a cofinanciar as obras nun terzo do seu custo, na mesma medida que a Administración local e a Deputación provincial, tendo en conta que esta entidade ten o deber de apoiar aos municipios.
Sen embargo, e a pesar dos reiterados requirimentos da Xunta, o Concello de Viveiro non tomou ata agora ningunha iniciativa ao respecto. Por ese motivo, sendo consciente e compartindo a preocupación dos veciños de Xunqueira, a Xunta decidiu convocar directamente aos afectados para explicarlles as posibilidades analizadas, escoitar as súas demandas e, en definitiva, avanzar na procura de solucións.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
