Ribadeo, 2 de setembro de 2019. O Concello ven de sacar a licitación o contrato de servizos para a xestión do punto limpo, a recollida de envases lixeiros, do cartón porta a porta e do cartón dos contedores azuis. As empresas interesadas poden presentar as súas ofertas ata o vindeiro 3 de outubro. O concelleiro de Medio Ambiente, Jorge Díaz Freije, agarda que todo o proceso estea rematado para finais do presente ano.
O edil anunciou que “ven de saír na plataforma de contratos do Estado, un contrato de servizos que estamos a sacar que é o referido á xestión do punto limpo, a recollida de envases lixeiros, a recollida porta a porta do cartón e do cartón dos contedores azuis”.
Jorge Díaz Freije explicou que “ten un valor estimado de 331.939 euros e unha duración de catro anos, con posibilidade dunha prórroga dun ano. Calquera empresa que estea interesa ten un prazo de 35 días, ata o 3 de outubro, mediante a licitación electrónica para presentar toda a documentación na plataforma de contratos do Estado”.
O concelleiro ribadense declarou que “despois de moitos meses de traballo sobre este contrato ao final sae agora. Esperemos que vaia todo ben e, nestes prazos, a finais de ano contamos que estea todo outra vez funcionando con normalidade e cunha lóxica de xestión positiva para Ribadeo. Quero animar ás empresas a que se presenten e aporten a documentación de xeito electrónico”.
O Concello de Ribadeo ven de sacar a licitación o contrato de servizos para a xestión do punto limpo, a recollida de envases lixeiros, do cartón porta a porta e do cartón dos contedores azuis
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
