Lugo, 24 de setembro, 2019. O Grupo Provincial do PP lamenta que Tomé e o resto de deputados socialistas se opuxesen á defensa de Alcoa proposta polos populares que, sen embargo, si que obtivo os votos positivos do BNG. A este respecto, consideran que o PSOE perdeu unha oportunidade para o que debería de ser lóxico e responsable neste asunto, que é acadar un acordo unánime de toda a Corporación.
Esta decisión unilateral pon de relevo que para os socialistas a prioridade é defender ao Goberno de Sánchez e non aos intereses dos traballadores e o mantemento da actividade industrial, que xa se viu reducida co peche de 32 cubas. Por este motivo, tachan de “irresponsable” a actitude dos socialistas, que deixa en evidencia que “estamos ante un goberno partidista”.
Por outra banda, dende o Grupo Provincial afirman que no Pleno de hoxe se viu a un goberno “sen iniciativa, que non traballa e que plaxia propostas”. Esta é a conclusión que fan os populares unha vez que o bipartito incluíu mocións semellantes ás presentadas polo Partido Popular respecto sobre o futuro de Alcoa e a erradicación dos danos causados polo xabaril tanto en zonas urbanas como rurais.
Dende o PP atribúen esta cuestión a que os deputados socialistas e nacionalistas “teñen medo ao debate” e están a demostrar que son un goberno “anodino e con falta de criterio”, ao tempo que están marcando o que vai ser a lexislatura. Refírense así á actitude censuradora do presidente, xa que eliminou un turno do debate e incluso reducíu tempos ao meter “mocións idénticas”.
Xa centrados no marco do debate, os populares agardaban que o PSOE dese o visto é prace á súa moción na que pedían que a Deputación instase ao Goberno Central a aprobar o estatuto de consumidor electrointensivo, pois esta sería a solución á grave crise que atravesa a multinacional. Castiñeira destacou que o PP xa deixou claro, no ámbito da Deputación, a súa preocupación polo futuro de Alcoa en ocasións anteriores, concretamente en maio de 2016, outubro de 2018 e marzo do ano en curso. Se antes a situación da factoría era preocupante, agora, moito máis ante a paralización da produción. O vicevoceiro explicou que “Alcoa está pedindo axuda, que necesita prezos competitivos”, felicitando con elo tanto a traballadores como aos alcaldes de Cervo e Xove, na defensa do mantemento da empresa.
Javier Castiñeira recordou que Alcoa de San Cibrao constitúe o principal motor económico e laboral da Mariña lucense e un dos máis importante das provincia. É a principal fonte de emprego directo para 1.100 familias; a maiores, hai que engadir o emprego indirecto. Por iso, Castiñeira considera imposible de entender a desidia demostrada polo Goberno presidido por Pedro Sánchez. É incomprensible, na súa opinión, a falta de reacción demostrada con respecto á factoría de San Cibrao despois da venda das de A Coruña. O mesmo deputado provincial resalta que a familia popular saíu decididamente en apoio do futuro da factoría e dos seus traballadores. Fíxoo xa na época de Mariano Rajoy coa reunión en EEUU e a construción do gasoducto e agora o está a facer en todas as institucións.
Por este motivo, criticou a votación dos socialistas, pois, mentras “o PP ten claro o que quere, o PSOE vai ao dedo que máis lle interesa”, pois as declaracións da ministra “nada novo trouxeron”.
Moción xabaril
A segunda moción “plaxiada” foi a relativa aos efectos do xabaril que, tal e como destacou Agustín Baamonde, constitúe “un tema grave para o rural e incluso o entorno urbano” polo que a solución pasa por chegar “a unha solución de concordia”. Pola contra, “o PSOE reacciona con outra alternativa que é de vista corte, demostrando que son de gatillo rápido pero de pouca puntería”.
Baamonde apuntou que a iniciativa do PSOE é “unha moción de estereotipo, co a que pretenden construír un relato de culpabilidade a Xunta de Galicia”. Sen embargo, a proposta dos populares “é moito máis ampla e está encamiñada a crear sinerxias entre administracións para combater este problema”, de aí que se pedise a implicación do Goberno Central.
Outros asuntos
Noutra orde de asuntos os populares apoiaron pedir á Xunta de Galicia o impulso do arranxo da estrada autonómica que comunica Becerréa con Sarria, no treito que aínda non foi mellorado e que vai dende o alto de Villaesteva ata o núcleo becerrense. O deputado Jesús Núñez e alcalde de As Nogais trasladou que é necesario o arranxo deste vial, ao igual que é necesario desbrozar as vías provincias da Montaña que, xa pasado o verán, aínda non foron rozadas. Núñez tamén puxo en valor que a autonómica non esquece a esta zona. Como exemplos citou o proxecto de desdobramento do corredor de Sarria, o acondicionamento da estrada que vai de Folgoso a Seoane do Courel, ou os labores de conservación que, neste caso, si que están “ao día”.
En aras de acadar e buscar o mellor para a provincia os populares tamén deron o visto e prace aos puntos catro, cinco, seis, e sete, e que fan referencia á modificación/substitución dun dos investimentos incluídos no Plan Único nos Concellos de Quiroga, Pedrafita do Cebreiro, Ribas de Sil e Taboada.
No caso do regulamento da Asesoría Xurídica da Deputación, os deputados do PP abstivéronse porque detectaron que era importante facer puntualizacións nalgunhas disposición regulamentarias, aportando as consideracións que se deberían de ter en conta para que este documento fose o máis preciso posible.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
