Lugo, 30 de outubro de 2019. A Deputación de Lugo vén de activar unha nova aplicación para dispositivos móbiles con información turística de preto de 2.500 puntos de interese dos 67 concellos lucenses, unha ferramenta coa que a institución busca atraer máis visitantes e mellorar a súa experiencia na provincia.
Esta App foi presentada hoxe na primeira sesión do Consello Provincial de Turismo que se celebra neste mandato, no que precisamente se reafirmou a idoneidade de apostar polas innovacións tecnolóxicas para mellorar a difusión e acceso á oferta turística. Así o explicou o Presidente da Deputación, José Tomé Roca, que tamén preside o Consello de Turismo. “Poñemos en marcha esta aplicación coa intención de achegar unha información turística atractiva que aumente o número de visitantes e ademais, lles axude a mellorar a súa experiencia na provincia de Lugo”, explicou. Tomé tamén puxo o foco en que esta medida, como o resto de adoptadas na sesión, se realizan en base ao Plan Estratéxico de Turismo.
Na reunión participaron 24 membros deste organismo posto en marcha pola Deputación para impulsar o sector. Na súa intervención, a Deputada de Promoción do Territorio e Turismo, Pilar García Porto, defendeu a idoneidade desta App, pois “hoxe en día máis da metade dos viaxeiros utilizan as aplicacións móbiles para preparar as súas vacacións, e cremos que a dende as administracións temos que apostar por esta nova maneira de entender o turismo”, explicou.
Actualización permanente dos contidos
García Porto expuxo o funcionamento desta ferramenta que lle amosa aos visitantes potenciais as singularidades que fan da provincia de Lugo un destino especial. “Recóllense preto de 2.500 puntos de interese que van dende elementos patrimoniais, paisaxes ata plans para aproveitar dunha forma máis eficiente a visita, por iso a aplicación estará nunha renovación permanente en colaboración cos concellos, para achegar a información da maneira máis actualizada posible”.
A App funciona a través da plataforma INVENTRIP, onde os usuarios poderán escoller un itinerario por cada un dos 67 concellos, un xenérico por cada un dos xeodestinos e unha serie de viaxes temáticas. Os usuarios poderán descargala a través dos sistemas operativos en Android e IOS, ou ben, acceder aos contidos a través da seguinte páxina web: https://inventrip.com/deputaciondelugo/.
Ademais, nesta sesión aprobáronse as bases do novo premio Lugo Cambia, que incluirá dúas modalidades: unha propia de turismo e outra da gastronomía lucense. Con estes galardóns, que se convocarán o vindeiro ano, recoñecerase o traballo de persoas, entidades ou institucións a prol do fomento da promoción turística da provincia, así como actuacións innovadoras no mundo hostaleiro.
Tamén se acordou un conxunto de medidas para consolidar Os Ancares e O Courel como destino científico. Entre elas, dispúxose impartir formación específica para os profesionais que traballan cos visitantes, coa finalidade de que teñan unha base sólida para valorar o patrimonio existente e axudar á súa promoción. Definiuse, unha programación anual de actividades neste lugar, incluíndo unhas específicas para escolares. Ademais, realizouse un repaso das accións desenvolvidas ata o momento neste senso, como son a creación de rutas da ciencia, a creación e difusión dun vídeo promocional das montañas de Ancares-Courel, a celebración dunha Xornada de Turismo Científico na Estación Científica de Seoane, sesións de formación para profesionais ou a certificación das montañas como destino turístico científico, entre outras.
Reforzo da presenza en feiras turísticas
Nesta sesión ordinaria, o Consello de Turismo acordou reforzar a presenza en feiras de turismo para o vindeiro ano 2020. “É crucial que apostemos por reforzar a nosa presenza en grandes citas que axuden a promocionar as nosas potencialidades turísticas e atraer novos perfís de visitante”, explicou o Presidente.
Órgano participativo e consultivo
A posta en marcha do Consello Provincial de Turismo é unha das medidas definidas ao abeiro do Plan Estratéxico de Turismo na Provincia de Lugo (2017-2020), pois establece a constitución de estruturas de xestión de carácter multidisciplinar e participativas que promovan accións en impulso da marca turística Lugo. Forman parte deste organismo 24 persoas relacionadas co turismo da provincia (representando a asociacións, entidades e institucións), co obxectivo de impulsar a gobernanza turística a través deste novo ente, participativo e consultivo.
A Deputación activa unha App con información turística para atraer visitantes e mellorar a súa experiencia na provincia
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
