Lugo, 25, outubro, 2019. O pasado día 24 de setembro, o presidente da Deputación, José Tomé, e os outros membros do grupo socialista rexeitaron a moción presentada polo PP en defensa de Alcoa-San Cibrao. Agora, despois de tres concentracións multitudinarias na Mariña e cando está prevista outra e unha manifestación para o día 3 de novembro en Viveiro, o PSOE, xunto co BNG, presenta ao pleno do próximo martes unha moción sobre Alcoa, na que de novo intenta desviar a atención da responsabilidade que ten en exclusiva nesta materia o Goberno presidido por Pedro Sánchez. O deputado provincial popular Javier Castiñeira está convencido de que «ao PSOE entroulle o acongoxo político e ten cargo de conciencia por votar en contra da moción do PP en apoio de Alcoa-San Cibrao». Como consecuencia do «acongoxo», di Castiñeira, os socialistas «traen unha moción no mesmo sentido», quizá presionados «polo señor Caballero», secretario xeral do PSde-PSOE, á vista do triste papelón que neste asunto fixo o PSOE de Lugo e moi sinaladamente o presidente da Deputación, José Tomé.
Poucas horas despois de participar na multitudinaria concentración celebrada na noite do xoves en Burela en defensa de Alcoa, Castiñeira di: «No PP estamos sorprendidos do nivel de desesperanza do PSOE lucense neste asunto de Alcoa; agora, despois de tres concentracións multitudinarias na Mariña traen unha moción ao pleno que resulta totalmente extemporánea e que está moi lonxe de dar resposta ao que piden a empresa e os traballadores».
O mesmo deputado popular deixa unha mensaxe moi clara ao PSOE: «Señores socialistas de Lugo: Volvémoslles repetir que as competencias en materia de enerxía son do Goberno de España». E engade unha recomendación: «Escoiten as propostas que fixo a Xunta que son, en definitiva, as que lles valen á empresa, aos traballadores e a todos os mariñáns. E, por suposto, non se esquezan de mostrar o estatuto de consumidores electrointensivos que, con todo respecto, máis que estatuto parece o Códice Calixtino».
Castiñeira recordou que as propostas da Xunta para o estatuto se resumen en medidas de carácter fiscal, como a supresión do imposto do 7% á xeración eléctrica a todos os consumidores; redución de cargas e peaxes recollidos nas tarifas de acceso, ampliación das axudas compensatorias por custos de emisión indirectas de CO2, fomento da contratación de contratos bilaterais de enerxía eléctrica e incorporación da categoría do consumidor hiper-electrointensivo.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
