Viveiro, 28 de outubro, 2019. O BNG de Viveiro apoia a convocatoria do Comité de Empresa de Alcoa San Cibrao para este 3 de novembro en Viveiro, e fai un chamamento masivo a todo o concello, a toda a comarca e incluso a toda a provincia pola continuidade de Alcoa e en xeral, de toda a industria e emprego de Galiza.
Míriam Bermúdez, a concelleira nacionalista en Viveiro: “ante unha ameaza de peche tan clara témonos que facer valer para que o Goberno do Estado non se exima das súas responsabilidades, nin que a Xunta de Galiza se poña de perfil ante un problema que está a piques de afundir a toda unha comarca. Precisamos de solucións inmediatas. É intolerábel que un país como o noso que produce electricidade a esgalla teña miles de empregos en xogo polos custes enerxéticos.”
Míriam Bermúdez aproveita para chamar ao Partido Popular: “partido tóxico e perigoso para todos as galegas e galegos, preséntanse como salvadores da Mariña cando o único que fixeron no Parlamento Galego foi vetar sistematicamente todas as propostas de abaratamento para a electricidade. Negáronse a aceptar unha Tarifa Eléctrica Galega así como a baixada do IVE na factura eléctrica do actual 21% ao 4%, á eliminación dos suplementos territoriais, a supresión das peaxes eléctricas no territorio galego, como tamén, a xestión pública dos encoros galegos segundo vaian rematando a súa concesión, que votaron en contra os Populares este pasado 22 de outubro, hai tan só 6 días. Infinidade de iniciativas que tumbou o PP, as cales que permitirían o abaratamento na factura da luz dos fogares galegos e que beneficiaría na competividade das nosas empresas,” concluíu a concelleira do BNG en Viveiro.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
