Burela, xoves 24 de outubro de 2019. “As medidas de Feijóo para Alcoa son vacuas, inconexas e un brinde ao sol”, asegurou o candidato de Cidadáns ao Congreso por Lugo tras a concentración desta tarde en Burela.
Blanco asegurou que non se pode frivolizar con medidas vacuas ou inconscientes xa que se trata dun tema para o que Xunta non ten competencias, nin polo que se ve, é moi competente en temas de industria”.
O candidato ao Congreso dos Deputados de Cidadáns pola provincia de Lugo, José Manuel Blanco e Francisco Pintado, candidato ao Congreso representando a Mariña, volveron a entregar aos responsables do Comité de empresa de Alcoa San Cibrao un escrito co seu compromiso coa fábrica e as propostas de Cidadáns para tentar garantir a permanencia da empresa na provincia de Lugo. “Trátase dun documento asinado o pasado 9 de abril que tristemente segue sendo válido xa que tras 7 meses de PSOE no Goberno non se fixo nada”.
“O meu apoio coa permanencia de Alcoa na provincia xa foi demostrado en numerosas ocasións, indo moito máis alá da política”, asegurou José Manuel Blanco.
“Por iso hoxe volvo aquí, a entregar novamente en man ao comité de empresa da fábrica estas medidas, ademais do meu apoio e o de Pintado asinado para loitar porque esta fábrica continúe en Lugo”, afirmou o candidato.
“Necesitamos un Goberno que loite pola industria española e por todos os traballadores que dependen dela, escoitando as súas necesidades e tratando en darlles solución, xa que a industria é un asunto estratéxico de Estado”, aseverou o candidato.
As medidas de Cidadáns para tentar que Alcoa non se vaia da provincia de Lugo son:
Fomentar os contratos bilaterais de entrega da enerxía eléctrica (coñecidos como PPA) a través de eximir aos xeradores de enerxía eléctrica do imposto de xeración de maneira permanente (e non transitoria) e aos compradores do imposto sobre a electricidade para este tipo de transaccións e valorar o investimento do ICO como axente que garanta a transacción neste tipo de contratos.
Dar certeza aos exposto no Artigo 9. Compensación de custos indirectos por emisións de gases de efecto invernadoiro do Proxecto de Real Decreto polo que se regula o Estatuto de Consumidores Electrointensivos que as empresas industriais tanto precisan nun contexto de competencia global como o actual.
Impulsar o marco lexislativo e dispositivo estatal e europeo para que permita a implantación de redes enerxéticas pechadas, tal como prevé a Directiva Europea 2009/72/CE.
Desenvolver a futura Lei do Cambio Climático e Transición Enerxética co obxectivo de consolidar un mix enerxético que responda dunha maneira integral aos obxectivos de sustentabilidade ambiental, seguridade de subministración e competitividade de custos así como a revisión profunda dos custos do sistema eléctrico que non estean relacionados directamente coa subministración eléctrica e que supoñen máis da metade da factura
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
