Santiago de Compostela, 29 de outubro de 2019. A portavoz de Pesca do Grupo Socialista, Patricia Otero, sinalou que os Orzamentos da Consellería de Pesca para o próximo ano son “pura ficción” e que “lles valerán para a campaña electoral, pero son inútiles para o sector pesqueiro”. Así o dixo na comparecencia da conselleira para presentar as contas do seu Departamento para o próximo ano, que “non incorporan nada que mellore a vida dos e das profesionais do mar”.
Otero reclamou “autocrítica” na xestión do goberno galego para “ser conscientes dos problemas e buscarlles solucións”, fronte a unhas constas que son “inventados e desconectados do sector, pan para hoxe e fame para mañá”, resumiu antes de acusar ao goberno galego de facer unha “venta ao por maior na que os grandes estafados son as xentes do mar”.
Neste sentido sinalou que a propia Memoria dos Orzamentos “marca obxectivos que non son apoiados por partidas”, ademais de que elude afrontar os grandes problemas do sector, como o relevo xeracional, que segue “sen resposta” do goberno, que continúa sen apostar decididamente pola formación de profesionais da pesca. Por iso reducen as partidas para reverter o relevo xeracional, así como as axudas a xóvenes pescadores.
A parlamentaria socialista reclamou un cambio na xestión dun goberno que presenta como balance a perda de 482 embarcacións entre 2009 e 2018, así como un drástico descenso de ocupados dende os 23.800 de 2009 aos apenas 11.377 de 2017, de acordo cos datos oficiais da Consellería –Ocupesca-.
Infraestruturas
Patricia Otero criticou ademais o tratamento das infraestruturas portuarias nestes orzamentos, nos que “inclúen a dragaxe dos portos de Laxe e Celeiro -comprometida en 2011, ou do segundo martelo de Burela, “unha actuación da que só se lembran cando hai citas electorais á vista”. Mentres, dixo, suprimen a dragaxe do porto chico de Foz, a pesares de ter sido reclamado dende o Parlamento.
Censurou finalmente a falla de transparencia en Portos de Galicia, unha entidade “opaca” que “este ano tampouco comparecerá” para render contas no debate orzamentario. Criticou a situación actual do ente, que “cobra taxas abusivas aos concellos de 9.000 euros por 4 días de festa nos terreos de Portos no termo municipal que despois non reverten en melloras nas infraestruturas”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
