Ribadeo, 21 de novembro de 2019. O equipo técnico especializado da Fundación Meniños impartirá unha charla informativa que ten por obxecto informar a familias e persoas sobre o programa de Adopcións Especiais.
Fundación Meniños traballa para evitar que nenos e nenas con necesidades especiais medren en centros de protección.
O martes, 26 de novembro, ás 18:00 h.terá lugar na Escola de Música-Casa do Mar de Ribadeo unha charla informativa sobre o Programa de Adopcións Especiais que será impartida polo equipo técnico especializado da Fundación Meniños.
Con esta charla dirixida ás persoas interesadas na adopción, Fundación Meniños pretende dar a coñecer a realidade do grupo de nenos, nenas e adolescentes que neste momento se atopan residindo en centros de protección á espera de ser adoptados, e que teñen unha maior dificultade para atopar unha familia por presentar necesidades especiais: son maiores de 8 anos, grupos irmáns e irmás, nenos e nenas con discapacidade ou enfermidade, e en xeral calquera outra circunstancia que poida dificultar a súa adopción. Non dispoñer dun ambiente familiar que lles brinde seguridade e afecto, deixa a estes nenos e nenas nunha situación de enorme vulnerabilidade.
O persoal técnico de Meniños explicará en Ribadeo o Programa de Adopcións Especiais, coa intención de resolver todas as dúbidas das familias e persoas interesadas en entrar nun proceso de adopción local.
O Programa de Adopcións Especiais é un servizo da Consellería de Política Social da Xunta de Galicia que busca un fogar para que nenos e nenas con necesidades especiais poidan medrar nunha familia. Este proxecto desenvólvese en toda a Comunidade Autónoma de Galicia xestionado pola Fundación Meniños, entidade non lucrativa de acción social dedicada a promover os dereitos da infancia e da adolescencia.
As persoas interesadas poden ampliar a información sobre este programa a través da web www.meninos.org ou no teléfono 981 26 99 55.
Na charla do vindeiro martes, 26 de novembro, na Casa do Mar ás 18:00 horas intervirán Laura Quintana Morales e Rodrigo Gil Cedillo, técnicos do Programa de Adopcións Especiais de Meniños.
A concelleira de Servizos Sociais, Mónica Freire, anima a asistir a esta conferencia.
A Casa do Mar de Ribadeo acollerá o vindeiro martes, día 26, unha charla da Fundación Meniños sobre o programa de adopcións especiais
Relacionado
-
Portos de Galicia investirá 1,8 millóns na renovación do bordo portuario de Viveiro
-
DeWayne Russell e Salva Arco, do CB Breogán, visitaron ás persoas usuarias da Fundación Eu Son de Burela da man da Vicepresidencia da Deputación
-
A eclipse que unirá Galicia: Ribadeo e Lalín vivirán o fenómeno en directo
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
