Lourenzá, 29 de novembro de 2019. A corporación municipal de Lourenzá celebrará un pleno extraordinario o vindeiro luns, día 2 de decembro, ás 20:30 horas para tratar a situación que atravesa a empresa local Muebles Hermida.
A alcaldesa, Rocío López, explicou que a sesión plenaria do luns será “para tratar a grave situación que está atravesando a empresa Muebles Hermida e, como consecuencia, os seus traballadores. Os tres partidos políticos que formamos a corporación municipal chegamos a un acordo unánime de facer este pleno extraordinario para mostrar o noso apoio a todos os traballadores e ao comité de empresa na súas reivindicacións, si ben non podemos deixar de lado que se trata dun problema no que debemos ir conxuntamente todos da man para intentar chegar á mellor situación tanto para e empresa como para os traballadores”.
A rexedora municipal destacou que esta situación “ten unhas repercusións moi importantes para a nosa localidade, na economía e no día a día do concello de Lourenzá. Entón nesa sesión do vindeiro luns poñerase sobre a mesa ese apoio e todas as ideas dos tres grupos que formamos a corporación. E todo o que se acorde nese pleno enviarémolo ás distintas institucións, tanto Xunta de Galicia como Deputación Provincial e todos organismos que consideremos, intentando tamén implicalos dalgunha maneira e que nos ofrezan algunha medida ou solución e un apoio para os traballadores e a empresa”.
Ademais Rocío López estivo onte, xoves, na concentración convocada polo comité de empresa para interesarse pola situación que atravesan os empregados de Muebles Hermida. E hoxe, venres, reuniuse cun dos responsables da empresa para “coñecer de primeira man os problemas que está atravesando a firma e cales poden ser as posibles solucións”.
A alcaldesa engadiu que “ambas partes, empregados e empresa, son conscientes da gravidade da situación e da necesidade de buscar unha solución canto antes. É unha cuestión na que todos (grupos políticos, comité, traballadores…) debemos tentar remar nunha mesma dirección para que isto se solucione e os traballadores, que sempre son os máis prexudicados, salgan disto da mellor maneira posible. A unión entre as forzas políticas é de vital importancia á hora de buscar apoios noutras administracións, como Xunta de Galicia ou Deputación Provincial, xa que só así se pode conseguir o apoio e a axuda que precisamos neste momento. Tratase dun problema que é noso, de tod@s, e que afecta de xeito considerable ao noso municipio, á súa economía, ó comercio… e ao día a día en si. Por iso debemos tentar buscar a mellor solución posible”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
