Mondoñedo, a 21 de novembro de 2019. En Mar ao norde, Álvaro Cunqueiro, mindoniense universal escribiu: «Este é o punto exacto», onde se para «cristalina a roda da noite». E así é Mondoñedo, o «punto exacto» que escribiu Cunqueiro, ese punto no que se xuntan tradición e modernidade, gastronomía e patrimonio histórico, natureza e cultura. O Concello de Mondoñedo, presidido por Elena Candia, mantén un esforzo continuado por dar a coñecer todo o que ofrece esta pequena e fermosa cidade episcopal. Nese camiño, hai iniciativas que, sen dúbida, resultarán atractivas para os visitantes, cuxo número aumenta ano a ano. Desde o Concello, presidido por Elena Candia, destácase o traballo que realizan tanto a asociación ACIAM como os hostaleiros de Mondoñedo no desenvolvemento de iniciativas que dan a coñecer á cidade.
Mondoñedo é, sen dúbida, «un ayuntamiento que conjuga en perfecto equilibrio naturaleza y cultura, dando como resultado un destino turístico muy atractivo por su diversidad». Así se describe en Mondoñedo, mil historias que vivir, unha publicación turística editada polo Concello mindoniense. Nela resúmense de maneira moi práctica as suxerencias ao visitante no apartado Que facer. É unha publicación moi útil para quen quere aproveitar o tempo que pasa na cidade e disfrutar de canto pon ao alcance dos que queren coñecela.
Campaña de Nadal
Tanto para os visitantes como para os veciños de Mondoñedo, comprar no comercio local é unha garantía de satisfacción. Ponse en marcha a campaña Nadal 2019, co fin de promocionar o comercio de proximidade. É unha iniciativa que se explica así nos propios carteis anunciadores: «Mercando en Mondoñedo gañamos todos». Quen adquira produtos nos locais asociados a ACIAM poderá gañar un dos 30 vales de 50 euros previstos nesta campaña; recibirá unha rifa e o sorteo será o 11-01-2020.
Concurso de tapas
Para promocionar o turismo e a gastronomía, en Mondoñedo celebrarase os próximos días 29 e 30 de novembro e 1 de decembro a edición número 13 do Concurso de Tapas Cidade de Mondoñedo. Participarán os seguintes establecementos: O Palique, Vinoteca Segundo Centro Socil, A Bodeguiña, A Taberna Galiana, Bodegón A Catedral, O Pasatempo, Viñoteca O Petisco, Amencer, O Rincón de Mondoñedo e O Porriño.
O prezo da tapa será de dous euros e o horario de tapeo o seguinte. Venres, de 20.30 a 00.00 horas; sábado, de 12.00 a 15.00 e de 20.30 a 00.00 horas; domingo, de 12.00 a 15.00 horas.
A organización do concurso de tapas corre a cargo da asociación ACIAM, coa colaboración do Concello de Mondoñedo. Será unha boa mostra da «gastronomía reconocida» que anuncia a moi útil publicación Mondoñedo, mil historias que vivir. Que é, pouco máis ou menos, o que veu dicir Juan Soto, mestre de xornalistas, nun artigo en ABC, aínda moi recente: «Hay que ir a Mondoñedo no una vez al año sino una vez por estación, al menos. Sobran motivos para echar un día, una semana o la vida entera en la ciudad más bella de Galicia (no cuenta Compostela, que es otra cosa)…».
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
