A Mariña, 25 de novembro, 2019. Seguindo coa súa programación de actividades e co gallo do 25 de Novembro o Observatorio da Mariña pola Igualdade organiza a proxección e posterior coloquio coa directora do filme documental “Tódalas mulleres que coñezo”.
Que terá lugar o vindeiro martes 26 de novembro ás 20.00h. na Sala Multiusos do Concello de Viveiro.
Un filme con selo galego , rodada en 2017 e cunha equipa formada unicamente por mulleres. Xiana do Teixeiro parte do persoal ao político, a través das experiencias persoais de mulleres diversas en distintos ambientes…onde se pode apreciar unha intimidade que traspasa as pantallas e chega a articular un discurso sobre o medo que non fomente o medo e sobre a violencia sen chegar a resultar violento. Un filme no queda reflexada a importancia da sororidade como ferramenta para cambiar o mundo.
O documental estase a proxectar en universidades e institutos para fomentar o debate e mostrar o camiño que aínda temos por diante para deixar atrás a visión e educación patriarcal na que nos socializamos.
En palabras da autora: “A conversación, que traspasa a pantalla varias veces, farase familiar para moitas e, isto é crucial, inaudita para outros.”
Filmografía Directora: Carretera de una sola dirección (Premio X Films, Punto de Vista, 2015-6), Somos Plaga e Soy Muro (2017-8, Soy Cámara – CCCB) e Proyecto Diario (premio BCN Producció, 2015). Todalas mulleres que coñezo é a súa primeira longametraxe. Esta última xa pasou por festivais como Málaga, DocumentaMadrid (Premio Screenly á mellor longametraxe), Alcances (Premio do público e DOCMA), Evolution Film Fest (Mención Especial ao Mellor Documental), Zinebi (Beautiful Docs), Cinespaña, L’Alternativa, Primavera do Cine (Premio do Público á mellor longametraxe), Festival REC (Recvolucions), OUFF (Mención Especial Mellor Longametraxe).
O Observatorio da Mariña pola Igualdade convida á proxección do filme-documental “Tódalas mulleres que coñezo” e ao posterior coloquio coa directora Xiana do Teixeiro
Relacionado
-
O Concello de Ortigueira celebra a chegada da sinal de TDT a Loiba e Devesos tras 15 anos de espera
-
CSIF denuncia que a RPT do Concello de Burela segue sen aplicarse máis dun ano despois de ser acordada
-
Un traballador tivo que ser evacuado en helicóptero en Viveiro tras recibir un golpe que lle crebou a perna
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
