Lugo, 14 de decembro, 2019. A alcaldesa de Lugo Lara Méndez, acompañada doutros concelleiros e militantes socialistas, participaba esta mañá na concentración convocada diante da Subdelegación do Goberno para esixir a continuidade de Alcoa.
Durante a súa intervención, a rexedora fixo fincapé en que “non se trata dunha problemática territorial da Mariña, senón que nos afecta a todas e todos porque Alcoa é unha industria imprescindible no conxunto da provincia”, polo que engadiu que “cómpre superar as barreiras que nalgunhas ocasións supón a ideoloxía partidista para aunar esforzos dende tódalas administracións e loitar conxuntamente co obxecto de mantela aberta”.
Lara Méndez deu a benvida á cidade aos traballadores aos que lles asegurou que “Lugo, como concello e como capitalidade da provincia está con vós, ao voso carón, esixindo que Alcoa continúe funcionando e, seguiremos pelexando para que esta continuidade sexa unha realidade, ao abeiro dun goberno central forte, que agardamos se constitúa en breve, e permita dar pasos cara adiante e tomar decisións en firme que contribúan a este obxectivo”.
A rexedora enxalzou ademais o tesón que o colectivo está a demostrar levando as súas protestas pola xeografía do país demostrando a necesidade de que a Alcoa siga aberta.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
