A Concellería de Medio Ambiente, que dirixe Noelia María Ben, mostra a súa satisfacción polos resultados da campaña de trampeo de raíñas velutinas que encargou este ano á empresa Serpa

Noelia María Ben explica que “nesta campaña fixeron un total de cincuenta trampas e, na primeira fase, capturaron 13 raínas; na segunda, 49; na terceira, 61 raíñas e 13 obreiras; na cuarta, 39 raíñas e 31 obreiras; na quinta, 53 raíñas e 135 obreiras; e na sexta e derradeira fase, 38 raíñas e 485 obreiras”. A concelleira de Medio Ambiente considera que “os resultados estiveron á vista de todos xa que só tiveron cinco avisos de retirada de niños, polo que mereceu a pena o investimento que se realizou para facerlle fronte a este problema”.