sdr
Viveiro, 14 de decembro, 2019. Despois dun ano da fatídica riada de Xunqueira, aínda se está a decidir cal é a mellor solución para o barrio de Xunqueira. Dende o BNG apoiamos a opción respaldada polxs veciñxs que é tamén a mellor valorada polos técnicos de Augas, dándolle a máxima puntuación no anteproxecto que presentaron.
Míriam Bermúdez apunta: “desde o BNG propúxose na reunión de voceiros do pasado xoves, solicitar a Augas de Galiza un novo proxecto máis detallado no que se aborde máis especificamente, a solución escollida incluíndo todas as actuacións necesarias, independentemente de quén sexan competencia, para a sinatura dun convenio de colaboración entre as tres administracións (Xunta, Deputación e Concello) para financiar o custo total do proxecto de rehabilitación a partes iguais, dado que o Concello non está en condicións de asumir o elevado custe que supoñen as obras que se lle encargan, tal e como pretende facer o goberno de Feixóo, sendo estas obras: as demolicións das casas en estado ruinoso á beira do rio, o traslado do lavadoiro de Xunqueira e o arranxo das pontes da Carreira.
“Tendo en conta que estamos na fase dun anteproxecto, e que a redacción e posterior aprobación se alongará no tempo, urximos a Augas de Galiza a que realice unha limpeza exhaustiva da canle do río na que actualmente hai eucaliptos atravesados que fan de presa natural agravando a situación de darse intensos chuvascos. Por todo iso, dentro da competencia de Augas de Galiza, esiximos que fagan o que lles corresponde, porque nin limpan nin deixan limpar”, remarcou a concelleira nacionalista.
Por outra banda é imprescindíbel tamén, que dende Medio Rural acaten as súas competencias, e fagan controis máis exhaustivos nas cortas que se fan preto dos cauces, de cara a que estás zona queden nas condicións apropiadas despois dos traballos forestais.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
