Viveiro, 10 de decembro de 2019. Os concelleiros do Partido Popular de Viveiro deron a coñecer esta mañá en rolda de prensa varias iniciativas que presentan ao pleno da corporación local, e que, unha vez máis, fan deste grupo o máis activo dos que integran o Concello. Unha das mocións dos populares ten por obxectivo que o goberno presidido pola socialista María Loureiro solicite a Portos de Galicia a concesión do peirao vello, de modo que o Concello poida xestionar directamente este espazo público para que resulte máis útil para os veciños de Viveiro.
O portavoz popular, Óscar Rodríguez, explica: «Dende hai máis de 20 anos efectúanse xestións para liberar o peirao de Viveiro das distintas infraestruturas que non tiñan uso portuario e afeaban notablemente a fachada marítima da cidade. Dita tramitación prolongouse no tempo debido a distintos expedientes xudiciais que o fin foron resoltos de xeito favorable». Engade: «A Xunta de Galicia fíxose cargo de tódolos gastos, así como de acometer as actuacións pertinentes, como o derrube de antigas estruturas e acondicionamento do solo, para que, a día de hoxe, constitúa a zona de aparcadoiro máis importante da cidade, sendo de utilidade para o sector servizos, área comercial e para a habitabilidade do casco histórico». No caso de que, como quere o PP, se materialice a concesión ao Concello, este tería que asumir o mantemento da urbanización e a vixilancia deste espazo.
Con outra das súas mocións os populares pretenden que o Concello se sume a O banco vermello, a campaña contra a violencia de xénero, e que instale canto antes, no marco desta iniciativa, un banco desa cor nun lugar moi transitado. Os populares suxiren acordar en comisión o lema que debe figurar no banco e propoñen o seguinte: «O amor non doe e moito menos mata». Queren que para a inauguración se programen actos, como talleres e conferencias. Os edís populares explican que O banco vermello «é un proxecto cultural e pacífico de prevención, información e sensibilización contra a violencia de xénero e o feminicidio co que se pretende conseguir que se fale disto todos os días do ano». Engaden: «O seu obxectivo é facer reflexionar a quen vexa este símbolo sinxelo e potente». Aclaran que a color vermella está tomada do primeiro símbolo utilizado para demostrar publicamente a violencia contra as mulleres, con moitos zapatos vermellos, presentados ante a embaixada de México en 2012 para lembrar ás mulleres asasinadas en Ciudad Juárez.
Por outro lado, o grupo municipal do PP defenderá unha moción para que todos os vehículos da Policía Local e de Protección Civil teñan un desfibrilador externo semiautomático, e que os coches así equipados estean rotulados de modo que quede claro que contan con DESA. Pretenden igualmente que tanto os policías como o persoal de Protección Civil reciban formación sobre o uso destes aparatos. Un DESA é un aparato electrónico portátil, que diagnostica e trata a parada cardiorrespiratoria cando é debida a fibrilación ventricular ou a unha taquicardia ventricular sen pulso.
O grupo municipal popular presenta tamén varios rogos. Un deles ten por obxectivo a mellora do paseo da praia de Covas, de maneira que ao longo do inverno se tomen as medidas necesarias para que os traballos de pintado do muro, bancos e farois, así como a reparación dos desniveis do piso e substitución de baldosas estragadas estean rematados para a próxima campaña estival. O grupo que ten por portavoz a Óscar Rodríguez explica que, na actualidade, camiñar polo paseo da praia de Covas pode resultar perigoso debido o mal estado do pavimento e a falta de tapas de sumidoiros e rexistros. Igualmente, destacan que falta limpeza e que o aspecto do conxunto é de desleixo.
Entre os rogos que tramitaron os edís populares hai un co que o PP pretende que o goberno municipal inste ao propietario da finca Villapulgas de Cantarrana a sanear ás árbores que afectan a un tendido eléctrico, co conseguinte risco para as persoas. Tamén é preciso cortar algunhas ramas que ameazan con caer sobre os viandantes.
O PP presenta tamén rogos para a mellora do Camiño do Cubilote, do acceso á igrexa de Covas e a reparación da pista que comunica San Andrés de Boimente e a estrada de Amareleixa.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
