Lugo, 23 de decembro de 2019. O Presidente da Deputación de Lugo, José Tomé, celebrou este luns o Nadal cos usuarios e usuarias das residencias de maiores de Trabada e Ribadeo. Falou con eles e cos traballadores e traballadoras de cada centro e participou na entrega de agasallos da institución provincial aos residentes. Tomé estivo acompañado polo Deputado de Promoción Económica e Social, Pablo Rivera; a Alcaldesa do Concello de Trabada, Mayra Bermúdez; o Alcalde de Ribadeo, Fernando Suárez Barcia; e a Concelleira de Servizos Sociais e Obras do municipio, Mónica Freire.
“Estou moi orgulloso. Cando empezamos esta andaina pensamos que íamos facer centros de atención para maiores e hoxe vexo que o que conseguimos son fogares”, dixo Tomé, que agradeceu a labor dos traballadores das residencias, “polo voso compromiso, polo voso mimo e pola vosa dedicación”. O Presidente visitou primeiro aos 24 usuarios e usuarias da residencia de Trabada e logo aos 42 de Ribadeo. Nos dous centros axudou a repartir os agasallos personalizados da Deputación de Lugo, e no de Ribadeo os residentes cantaron unha panxoliña antes de brindar polas festas. Estes días os centros ofertan ademais un menú especial, adaptado as necesidades de cada usuario e usuaria, con motivo do Nadal.
Nos Orzamentos 2020 a Deputación de Lugo destina 9M€ ao funcionamento das residencias de Pol, Trabada e Ribadeo; para a apertura das de Fonsagrada, Castroverde e Pedrafita do Cebreiro, e, avanzar no equipamento, Meira e Ribas de Sil.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
