Lugo, 28 de febreiro de 2020.- A subdelegada do Goberno, Isabel Rodríguez, agradeceu o labor dos radioafeccionados que colaboran con Protección Civil durante o acto de entrega de diplomas concedidos a membros deste colectivo de toda a provincia que forman parte, desde hai varias décadas, da Rede Nacional de Radio de Emerxencia. No acto, que tivo lugar esta mañá na Subdelegación do Goberno, estiveron presentes tres dos cinco homenaxeados: Juan L. Álvarez Méndez, Luis Chao López e Francisco J. González Rodríguez.
Isabel Rodríguez expresoulles o recoñecemento “de Protección Civil, do Goberno de España e de todos lucenses” e indicou que “o voso compromiso social é un exemplo, pois poñedes a afección que compartides os radioafeccionados ao servizo de toda a sociedade, á que lle ofrecedes o voso tempo, coñecemento e recursos, especialmente en situacións nas que unha colectividade se sinte máis vulnerable, como son as situacións que atende Protección Civil”.
A subdelegada concluiu que “esta pequena homenaxe que vos facemos é moi merecida e, ademais de darvos as grazas, quero animarvos a que continuedes co voso labor a través da Rede Nacional de Radio de Emerxencia”.
O Ministerio do Interior, a través da Dirección Xeral de Protección Civil, concedeu cinco diplomas en recoñecemento á labor doutros tantos lucenses que forman parte da Rede Nacional de Radio de Emerxencia, que constitúe unha alternativa ao sistema habitual de comunicacións para situacións de emerxencia.
MÁIS DE 25 ANOS DE COLABORACIÓN
Un dos homenaxeados recibiu o diploma en gratitude por 25 anos de colaboración con Protección Civil. Trátase de Francisco J. González Rodríguez, da Pobra do Brollón, que ingresou na REMER en 1994.
Luis Chao López, que é veciño de Trabada, recibiu o diploma que o distingue por 20 anos de colaboración, xa que ingresou en 1999.
Juan L. Álvarez Méndez, de Lugo, foi recoñecido polo apoio dado durante 10 anos, pois ingresou na Rede Nacional de Radio de Emerxencia en 2009.
Ademais, fóronlles concedidos cadanseus diplomas a José A. Amor Fernández, de Trabada, que forma parte da Rede Nacional de Radio de Emerxencia dende 1994, por 25 anos de colaboración, e a Esther Valle Ares, veciña de Abadín, por 20 anos, dado que ingresou na REMER en 1999.
A subdelegada do Goberno louba a xenerosidade dos radioafeccionados que colaboran con Protección Civil
Relacionado
-
O San Xoán das Corporacións, en Foz, celebrarase o 23 de xuño con pregón, música e fogueira tradicional
-
A Feira da Ciencia de Ribadeo enche o Paraninfo para escoitar a neurocientífica Sonia Villapol
-
O BNG analiza en San Cibrao a necesidade de reforzar os servizos públicos para garantir unha vellez digna
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
