Burela, 19 de xaneiro, 2020. O Pescados Rubén Burela FS non puido completar ao grande esta mañá a excelente semana. Na pista de Levante UD FS, a escuadra laranxa non foi capaz de trasladar o carácter, mentalidade gañadora e determinación que a fan forte no mausoleo mariñán. Malia entrar ben e poñerse rapidamente por diante, os de Juanma Marrube foron renunciando aos seus sinais de identidade co paso dos minutos. O 3-1, no reinicio, fixo dano excesivo nas filas galegas e os valencianos aproveitaron para tomar tranquilidade no electrónico ata o 6-1.
Matamoros poñía as cousas de cara, xa no minuto 2, cunha recuperación de Lucho en pista levantina e a pase de Joselito. Os de Diego Ríos aproveitaron tamén una contra para recuperar as táboas, no 14, por mediación de Maxi Rescia, e un rexeite en segunda tentativa, de Cecilio, no 19, para marchar ao tempo de descanso co encontro favorable.
Os laranxas recibiron excesivo castigo, nunha falta de Cuzzolino que recibiu Cecilio e deu na defensa mariñá para subir o 3-1, no regreso. O 2 levantino anotou o 4-1 no 27, aproveitando tras unha rápida chegada o despexe de M. Kaluza. Optaron os do Mariskal por xogo de cinco con dez por diante, pero non conseguiron atopar as debilidades dos locais. Nos últimos minutos, Pedro Toro, nun pase de Prieto e tras superar a Lucho, e Pedro, a porta baleira, completaron o definitivo 6-1.
Ficha técnica
Levante UD FS: Prieto, Márquez, Gallo, Cecilio, Pedro Toro, cinco inicial; tamén xogaron Rubi Lemos, Jorge Santos, Cuzzolino, Sena, Maxi Rescia Pedro
Pescados Rubén Burela FS: M. Kaluza, Joselito, Lucho, Matamoros, Renato, cinco inicial; tamén xogaron Luisma, Pitero, Xande, Pope, Pixote, Álex Diz
Goles: 0-1, minuto 2, Matamoros; 1-1, minuto 14, Maxi Rescia; 2-1, minuto 19, Cecilio; 3-1, minuto 21, Cecilio; 4-1, minuto 27, Cecilio; 5-1, minuto 36, Pedro Toro; 6-1, minuto 38, Pedro
Árbitros: Del Pozo García // Moreno Durán. Por Levante amarela Pedro Toro (minuto 5), Márquez (minuto 23). Por Burela amarela a Renato (minuto 6), Matamoros (minuto 38).
Incidencias: Partido correspondente á xornada 18 de Primeira División disputado no municipal de Paterna.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
