Viveiro, 25 de xaneiro, 2020. As obrigas de xestión da biomasa vexetal e retirada de especies arbóreas impostas pola normativa da Xunta de Galicia ( Lei 3/2007 do 9 de abril, de prevención e defensa contra os incendios forestais de Galiza, Lei 6/2011 do 13 de outubro, de mobilidade de terras, Lei 7/2012 do 28 de xuño, de montes de Galiza e Lei de acompañamento de Orzamentos da Xunta) exixe que os terreos límitrofes ás pistas e estradas deben estar libres de arborado nunhas distancias mínimas que van, en función do tipo de plantación, desde os 2 metros até os 10 metros de dominio público.
Os numerosos temporais de choiva e vento que se rexistraron nestas últimas semanas no concello de Viveiro acarrearon múltiples complicacións a moitas das nosas veciñas e veciños que sufriron as consecuencias das caídas de árbores sobre, entre outras, estradas e pistas, a maioría das cales poderían ser evitables de cumprirse coa normativa autonómica en canto á distancias entre fincas e pistas. Estas incidencias durante as borrrascas, cada vez máis habituais, pon en evidencia o problema e perigo que supón para a nosa veciñanza a masa árborea plantada sen control á beira das estradas e pistas, polo que o BNG presenta o seguinte ROGO á alcaldesa:
Publicación dun bando municipal lembrando da obriga de cumprir coas distancias entre plantacións e vías públicas, tal e como se recolle na normativa da Xunta, para que as persoas propietarias dos terreos a carón das pistas municipais corten pola súa conta todas as árbores que podan pór en perigo a seguridade das persoas usuarias das mesmas, e onde se lles informe que @s titulares destes terreos con arboredo que fagan caso omiso a este bando, pasado o prazo voluntario dado polo concello e previa advertencia do órgano municipal, abriráselles un expte. sancionador coa consecuente multa, á que se poderá sumar, de ser o caso, as actuacións subsidiarias de limpeza realizadas polo concello e ou o decomiso do arboredo.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
