Sábado, 25 de xaneiro de 2020. A extinta sociedade elitísta do Casino de Viveiro, unha vez disolta, deixou en mans de Portos de Galicia o característico edificio situado nos recheos da fachada marítima de Viveiro.
O mencionado edificio está sendo obxecto de numerosos actos vandálicos, e obsérvase un abandono considerable por parte do organismo titular do mesmo.
Viveiro, nos últimos anos, viviu de costas ao mar en canto a actividades náuticas se refire, e todas as actividades realizadas na nosa ría son froito do traballo desinteresado das directivas dos distintos clubs e asociacións, que a pesar de instalacións pequenas e accesos perigosos ao mar, continúan con ilusión e entusiasmo coa súa actividade.
Temos club de piragüismo, club de remo en banco fixo, kaiaks e clubs de mergullo, pero un impulso da administración podería facer que Viveiro contara con máis actividades náuticas, como vela ou remo en banco fixo, por poñer algún exemplo.
Viveiro, carece ademais de locais e instalacións apropiadas para os clubs e entidades deportivas, que na maioría dos casos, contan con locais alugados ou carecen de salas e espazos de reunión.
A posición do edificio do casino, en primeira liña, e anexo ao Porto Deportivo, colocan esta edificación como idónea para acoller un Centro de actividades náuticas e deportivas, así mesmo, tamén podería acoller en parte da edificación as instalacións administrativas propias do Porto Deportivo, regresando a Garda Civil do Mar, á edificación que foi realizada para tal fin.
É por isto que propoñemos o seguinte acordo:
1. Instar a Portos de Galicia a reformar o edificio do Casino co obxectivo de destinalo a Centro de Actividades Náuticas e deportivas.
2. Instar a Portos de Galicia, a ceder, unha vez reformadas, as instalacións para os distintos clubs e entidades que así o soliciten e trasladar as oficinas administrativas do Porto Deportivo ao citado edificio.
3. Instar ao Concello de Viveiro a realizar as xestións oportunas para o cumprimento dos puntos 1 e 2, e no caso de resposta contraria de Portos de Galicia, solicitar a cesión do edificio e buscar en outras administracións o financiamento para a súa reforma e creación do Centro de Actividades Náuticas e Deportivas.
4. Dar traslado aos distintos grupos políticos con representación no Parlamento de Galicia, a fin do seu coñecemento.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
