Lugo, a 25 de xaneiro de 2020. No Partido Popular de Lugo e no Concello de Mondoñedo, presididos ambos por Elena Candia, valoran positivamente o paso dado polo Goberno para buscar solución fronte a néboa na A-8, no Fiouco. É a consecuencia lóxica, segundo destacan, das medidas adoptadas polo Goberno presidido por Mariano Rajoy en setembro de 2017 (https://www.mitma.gob.es/el-ministerio/sala-de-prensa/noticias/jue-28092017-1331), cando os ministerios de Fomento e Economía firmaron un convenio de colaboración para financiar a Compra Pública Innovadora (CPI) que permitiría a instalación de prototipos no tramo da Autovía do Cantábrico (A-8) entre Mondoñedo e Abadín, no Alto do Fiouco, para buscar una solución aos problemas de seguridade que ocasionan a miúdo os bancos de néboa, que obrigan a cortar o tráfico. Iso si, din que a tramitación seguramente puido ser máis rápida, dada a necesidade de resolver o problema.
Desde o PP de Lugo, presidido por Elena Candia, destácase, ao mesmo tempo, a necesidade de acometer as melloras que precisa a N-634 (de San Sebastián a Santiago de Compostela), unha vía que absorbe por si mesma unha gran cantidade de tráfico, que se incrementa moi considerablemente cando, a causa da néboa, se pecha a A-8 no Alto do Fiouco. Candia insiste en que non deixará de solicitar con intensidade investimentos na mellora da N-634, por seguridade. Recoñece que ao Concello de Mondoñedo lle interesa ter unha N-634 en condicións, con bo pavimento e sinalización e alumeado, pero resalta que non é só un asunto local. «Non imos deixar de insistir nesta demanda; agora aínda con máis intensidade», asegura. Di que a N-634 precisa melloras no firme en moitos treitos, así como unha ampliación da sinalización. A maiores, deben ser iluminadas as saídas a autovía. Candia destaca que, ao paso polo municipio que goberna, a N-634 non se atopa nas condicións necesarias para absorber o tráfico que soporta.
Candia conseguira en abril de 2017 un compromiso do Ministerio de Fomento para efectuar un estudo previo ao proxecto de mellora da citada estrada. Posteriormente, efectuou xestións con representantes do Goberno central para reivindicar a execución do compromiso adquirido por Fomento. Agora inicia xestións co actual Goberno.
.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
