CxG Burela insta á concellaría de mar a poñer en valor os topónimos do noso litoral

Burela, 10 de febreiro, 2020. “É unha singularidade do noso idioma e tamén unha forte mostra de identidade o poñer nome a ligares e cousas que facían os nosos devanceiros, esta situación é moito máis significativa nas contornas litorais e ribeiras do noso País. Case cada pedra e cada singularidade xeolóxica teñen un nome propio. Era o sistema utilizado para dar indicacións de pesca ou mesmo de acontecementos e tamén para delimitar propiedades.
Esta riqueza da lingua estase a perder co pasamento das persoas maiores de cada lugar e pensamos que corresponde aos poderes públicos preservar esta singularidade para que non se perda tan importante patrimonio inmaterial.
Pode ser o concello con pouca inversión quen garanta a continuidade da tradición, xerando tamén un atractivo turístico, se cabe máis singular en Burela pola riqueza xeolóxica que supón desfrutar de dous tipos distintos de Costa, singularidade que ben seguro tamén recolle a toponimia. Polo que temos a ben:

PEDIR, á Concellaría de Mar do Concello de Burela

A creación dunha comisión de traballo con xente coñecedora dos topónimos do litoral de Burela, para recoller os nomes propios e identificar os lugares.
Que, se publique en formato libro a recompilación dos nomes e se edite un mapa.
Que se elabore unha Audio-guía explicativa para os turistas e visitantes.
Que se promocione entre os escolares do concello o material didáctico para preservar a toponimia do litoral.