Cervo, 17 de febreiro de 2020. O presidente do Goberno galego, Alberto Núñez Feijóo, mantivo hoxe unha reunión co comité de empresa de Alcoa para, tras valorar a situación actual do sector, demandar medidas efectivas que rebaixen o prezo da electricidade e presentar alegacións ao novo estatuto electrointensivo do Goberno.
“Lamentablemente, segundo van avanzando os meses estamos cada día nunha situación máis delicada. Comprendemos e compartimos a inquietude do comité de empresa e das familias”, aseverou incidindo en que non só se trata dun problema que afecta aos 2.000 traballadores da planta de San Cibrao, senón tamén a un conxunto de empresas na provincia da Coruña; “estamos a falar dun total de 5.000 familias sen viabilidade nos seus postos de traballo nos próximos meses”.
Ao longo do encontro, Feijóo denunciou que o novo estatuto das industrias electrointensivas, presentado hai unha semana, en vez de ser unha garantía para que estas empresas sexan viables é “a sentenza clara” para que vaian pechando de forma consecutiva. “Este estatuto é a acta de defunción das empresas que utilizan a enerxía como materia prima determinante nos seus custes”, abundou, referíndose tamén á decisión do Estado de incrementar o número de posibles empresas beneficiarias pasando de 119 a 600; un incremento que favorece sobre todo a Cataluña e País Vasco e que, pola contra, prexudica ás industrias que consumen máis electricidade como é o caso de Galicia.
Sobre este punto, Feijóo lembrou que Galicia leva 11 anos traballando para que Alcoa teña prezos competitivos da luz. E “ata 2018 conseguímolo”, dixo, precisando que mentres o prezo da luz ata esa data estaba entre os 35 e os 37 euros por megavatio/hora, agora está entre os 47 e os 55 euros por megavatio/hora, un prezo que fai que Alcoa non sexa viable.
Diante desta situación, o titular da Xunta aseverou que as alegacións que presentará o Executivo autonómico, “coincidentes co comité de empresa de Alcoa”, entran dentro do marco europeo e da potestade fiscal que ten España para regular os impostos que gravan a enerxía. Ao respecto, incidiu na necesidade de desenvolver unha política fiscal que grave con menos impostos a enerxía que consomen as empresas hiperelectrointensivas; así como establecer contías como as que había anteriormente no ámbito do CO2 e no eido da ininterrompibilidade. Unhas medidas que se aplican en Francia e Alemaña e que tamén se viñan aplicando en Galicia.
“En definitiva, estamos a falar dun borrador que supón a acta de defunción das empresas electrointensivas”, reiterou, insistindo en que o Goberno central ten que deixar sen efecto este texto, “aceptar as alegacións que presentaremos o día 20 deste mes e chegar ao 29 de febreiro cun texto consensuado entre os traballadores e as administracións públicas”, concluíu.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
