Lugo, 25 de marzo, 2020. A Asociación Provincial de Empresarios de Hostalería e Turismo de Lugo (Apehl) presentou esta mañá aos 67 Concellos da provincia de Lugo unha serie de medidas para xerar liquidez na economía e aliviar ás empresas afectadas pola crise sanitaria do Covid-19.
Tendo en conta os prexuízos que está a ocasionar o coronavirus aos autónomos e traballadores do sector, consideran necesaria “a suspensión de impostos e a adopción de novas medidas a nivel municipal que teñan como obxectivo común a dinamización do consumo e o turismo”.
Entre elas, o presidente da Asociación, Cheché Real, enumerou “as deducións e exencións fiscais nas bonificacións do IAE, a redución da taxa por utilización privativa do dominio público, relativa a terrazas e veladores, ou as exencións no pago das concesións administrativas polo uso de locais e establecementos propiedade do Concello”.
Considerou tamén importante “axilizar o pago a provedores de facturas por servizos xa prestados para inxectar liquidez nas empresas e modificar o calendario do contribuínte, atrasando os recibos entre catro e cinco meses e ampliando o prazo da taxa por servizos de auga, lixo, rede de sumidoiros e canon de saneamento; así como valorar a posibilidade de que o contribuínte poida solicitar ao Concello o fraccionamento do pago dos seus impostos para facilitar o cumprimento das súas obrigacións tributarias”.
Así mesmo, solicitou “non proceder á execución de garantías que recaian sobre bens inmobles desde a entrada en vigor do Real Decreto 8/2020 de 17 de marzo ata o 30 de abril de 2020, tal e como establece o artigo 33 do Real Decreto-Lei”.
A todo iso, engade que se fan imprescindibles medidas de impulso e apoio á actividade económica. “É esencial que pensemos en axudar o mantemento da actividade e do emprego nas pemes lucenses de hostalería e turismo, así como tratar de reducir ou suspender os gastos de aluguer, pagos a provedores, impostos ou cotas como a de autónomos”, afirmou.
Desde Apehl alertan unha vez máis da situación á que se enfrontan os negocios hostaleiros da provincia e apelan á urxencia destas medidas. Ademais, maniféstanse a disposición das administracións locais para valorar e acordar outras que pretendan axudar a paliar os efectos desta crise en todo o sector.
COORDINACIÓN E INFORMACIÓN
A Asociación está en continua comunicación co resto de asociacións de hostalería do territorio nacional, así como coas patronais de restauración (CEHE) e aloxamento (CEHAT). Mantén a información puntualmente, minuto a minuto, aos asociados da provincia de Lugo para que sexan coñecedores das inquietudes do sector de hostalería a nivel nacional ante esta alarma e as súas consecuencias.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
