Lugo, 20 de marzo, 2020. A Asociación Provincial de Empresarios de Hostalería e Turismo de Lugo (Apehl) pídelle ao Goberno, en respaldo ao comunicado realizado pola Confederación Empresarial de Hostelería de España, máis medidas de tipo fiscal e administrativo con carácter de urxencia para facilitar a subsistencia dos negocios hostaleiros da provincia e de todo o país.
O presidente da Apehl, Cheché Real, apela á “sensibilidade e responsabilidade do Goberno para suavizar ao máximo os efectos tan devastadores que esta crise está a ocasionar”.
Desde Apehl consideran insuficiente o paquete de medidas económicas anunciadas polo presidente do Goberno para paliar os efectos do coronavirus. Aínda que recoñecen o esforzo do Goberno de España para frear os efectos económicos desta pandemia ao mobilizar ata 200.000 millóns de euros, cren que “medidas como a flexibilización dos ERTES e as destinadas a garantir a liquidez das empresas axudarán, sen dúbida, ao conxunto do tecido empresarial; pero faise necesario adoptar máis medidas para evitar a quebra dos máis de 300.000 negocios hostaleiros que temos no noso país”.
Tendo en conta o prexuízo que está a ocasionar a crise do coronavirus aos autónomos do noso sector, consideran necesaria “a suspensión da cotización dos autónomos de hostalería” e reivindican tamén “a suspensión de calquera obrigación de pago dos establecementos hostaleiros ás administracións, como son o pago do Imposto sobre Bens Inmobles (IBI) e resto de impostos municipais como poden ser os impostos das terrazas”. Por isto, estenden as reivindicacións a outros ámbitos administrativos, como os Concellos e a Comunidades Autónoma, quen teñen competencia directa neste tipo de impostos.
Engaden que “tamén se fai necesaria a supresión de todas as taxas e impostos en todas as subministracións de enerxía e a renegociación de pólizas e un financiamento bancario con maior flexibilidade”.
Así mesmo, solicitan “a suspensión das obrigacións económicas dos establecementos hostaleiros cos arrendadores dos seus negocios, posto que estes non están no seu normal funcionamento”.
Desde Apehl alertan una vez máis da situación á que se enfrontan os negocios hostaleiros da provincia, os cales dan emprego a moitos traballadores e son parte fundamental na nosa cultura, punto de encontro e de socialización.
A Asociación Provincial de Empresarios de Hostelería e Turismo pide a supresión de impostos para sair desta crise
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.