Ribadeo, 20 de marzo de 2020. Alba Pérez e Marcos Rodríguez son os gañadores do X Concurso de Fotografía Día do Pai, convocado por Acisa a través do facebook.
A foto de Alba Pérez Fernández, titulada Con papá al fin del mundo, conseguiu 521 votos e converteuse na gañadora, que recibirá 200 euros en vales de compra para gastar nos establecementos asociados a Acisa Ribadeo.
E a foto de Marcos Rodríguez Rodríguez, chamada Música e vida??, foi a segunda clasificada no concurso realizado en facebook. En total obtivo 352 votos. Como agasallo recibirá tamén 100 euros para gastar nos establecementos asociados a Acisa.
Foron 19 as imaxes presentadas ao X Concurso de Fotografía Día do Pai, que rematou a pasada media noite. Acisa agradece a participación no certame e subliña que “a entrega dos premios realizarase cando as circunstancias así o permitan. A caducidade dos vales tamén se adaptará á nova situación”.
A Asociación de Comerciantes, Industriais, Servizos e Autónomos de Ribadeo agarda que “cando todo isto pase os e as ribadenses lle dean todo o seu apoio ao comercio, á hostalería e ao sector servizos do municipio. Estamos atravesando por un momento moi complicado do que sairemos todos xuntos, seguro. Pero para que a normalidade se recupere imos precisar máis ca nunca do apoio do pobo de Ribadeo, ao que lle pedimos que nese momento merque no comercio da súa localidade, organice eventos nos seus restaurantes, tome os viños nos seus bares, traballe coas firmas locais… porque antes todas esas pequenas empresas estiveron a carón de moita xente colaborando en eventos deportivos, culturais e sociais. Isto é cousa de todos. De momento, por responsabilidade, toca quedar na casa”.
Desde Acisa fan unha chamada á súa clientela: “agora que non temos necesidade de comprar nada que non sexa esencial, non acudamos a grandes áreas on line, agardemos a que comercio local abra de novo as súas portas e axudémolo a superar este crítico momento”.
Alba Pérez e Marcos Rodríguez son os gañadores do X Concurso de Fotografía Día do Pai, convocado por Acisa a través do facebook
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.