Lugo, 17 de marzo de 2020. A Deputación de Lugo reforza estes días o contacto coas 1302 persoas maiores da provincia que a día de hoxe son usuarias do servizo de teleasistencia. A institución puxo en funcionamento unha campaña co obxectivo de facilitarlles información e recomendacións que contribúan a frear a propagación do coronavirus Covid-19
A campaña, entre outras cuestións, inclúe chamadas ás persoas usuarias para lembrarlles que dispoñen dun teléfono de información centralizado relativo á enfermidade, facilitarlles recomendacións de hixiene e protección, e dar consellos adaptados a esta nova situación aos seus coidadores. Ademais, farase un seguimento específico no caso de que usuarios deste servizo tiveran que realizar a proba do coronavirus, intensificando as chamadas para comprobar a evolución da sintomatoloxía.
Pola súa banda, tamén se establece un protocolo de seguimento especial no caso de que usuarios e usuarias tivesen que someterse a un illamento por posible diagnóstico de coronavirus Covid-19. Neste caso, farase un control telefónico continuado, chamando de forma diaria durante 14 días para coñecer o seu estado de saúde e comprobar se houbo unha mellora ou empeoramento.
O Presidente explica que “queremos que os nosos maiores non se sintan sós, teñan a información necesaria sobre esta nova enfermidade e saiban que deben facer no caso de sentir algún dos síntomas”. “Mediante o servizo de teleasistencia eles e as súas familias saben que teñen a alguén ao outro lado do botón vermello as 24 horas do día, os 365 días do ano”, subliñou José Tomé.
Medidas de prevención
O servizo de teleasistencia inclúe novas medidas de prevención para cumprir coas recomendacións das autoridades sanitarias durante o Estado de Alarma. Desta forma, as visitas aos domicilios limítanse á resolución de avarías do equipamento do servizo que imposibiliten a comunicación entre a persoa usuaria e o centro de atención. Tamén se suspenden as altas no servizo e anúlase calquera outra actividade ou acción que implique o contacto directo coas persoas usuarias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
