A Mariña, 16 de marzo, 2020. A Federación do Ensino de CCOO de Galicia considera «irresponsable» e «unha temeridade» manter unha persoa do equipo directivo nos centros educativos. O sindicato, que estuda denunciar, coida que a situación pode vulnerar o Real decreto que regula o estado de alarma ante o coronavirus e critica a actuación «errática» da Consellaría de Educación.
CCOO-Ensino lembra que, nun primeiro momento, a Consellaría obrigaba a todo o persoal a acudir aos centros. Posteriormente, negouse a recibir os representantes sindicais. Por último, en vez de rectificar, foi diminuíndo a obriga de asistencia de persoal, ata ficar polo de agora nun único membro para os centros de máis de seis unidades.
A Federación do Ensino de CCOO non se opón a que os equipos directivos coordinen as actividades do claustro, co obxectivo de organizar as posibles tarefas ao alumnado de xeito telemático. Porén, sinala que isto tamén se pode facer desde o domicilio, xa que todo o persoal debe estar localizable e preparando esas tarefas e existen os medios necesarios para facelo.
CCOO esixe que a Consellaría rectifique estas instrucións, non obrigando a ninguén a acudir aos centros educativos. «A saúde está por riba de calquera outra circunstancia e débense seguir de xeito taxativo as indicacións sanitarias», sinala Luz López, secretaria xeral da Federación.
CCOO-Ensino analizará cos seus servizos xurídicos estas instrucións e, de ser preciso, realizará as accións legais oportunas para que se cumpra o Real decreto «e non se xogue de xeito innecesario coas traballadoras e traballadores do ensino».
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
