Compostela, 23 de marzo. O candidato de Galicia en Común-Anova Mareas á presidencia da Xunta, Antón Gómez-Reino, esixíu hoxe o reparto inmediado das 500.000 mascarillas protectoras que o Goberno galego mantén aínda almacenadas e sen distribuir. Ao tempo, Gómez-Reino apremiou á Xunta a realizar coa máxima urxencia as xestións precisas para que as plantas industriais galegas que teñan capacidade para elo inicien a fabricación no país dos equipos de protección invidivuais e as mascarillas que se precisen para loitar contra a pandemia do Covid-19.
O candidato da coalición entende que “é absolutamente imprescindible que a Xunta ordene a fabricación destes elementos”. “Sobre todo tendo en conta que segundo coñecimos onte Galicia ten unicamente medio millón de mascarillas en stock”. Así o manifestou este luns, logo da longa xuntanza telemática que mantivo onte á tarde con Alberto Ñúñez Feijóo e co resto de voceiras das forzas políticas galegas, para abordar esta crise social, económica e sanitaria derivada da epidemia do Covid-19-.
A proposta da coalición inclúe tamén a posta en marcha dos procesos necesarios para a fabricación doutros equipos e compoñentes sanitarios, como respiradores, así como produtos para a desinfección do persoal e das instalacións, sempre en coordinación co Ministerio de Sanidade.
“Esas mascarillas e eses equipos deberían porse a disposición, de maneira inmediata, do conxunto de profesionais da sanidade, das persoas que se atopan en grupos de risco e das administracións competentes, para que cheguen á quen mais as precisan. Prioritariamente deben chegar a residencias de maiores, dependentes, centros de dia e centros de menores, asi como a outros colectivos especialmente vulnerables como as persoas sen fogar, con protocolos axeitados e pertinentes”, dixo Gómez Reino.
“Estamos nunha situación extraordinaria que demanda medidas extraordinaria, na que actuamos con total lealdade institucional. A mesma que lle demandamos ao Executivo de Feijóo”, engadíu o voceiro de Galicia en Común-Anova-Mareas. “É tempo das propostas e de avanzar sen perder nin un minuto. O mandato da cidadanía é saír unidos como sociedade sen deixar a ninguén atrás”, apuntou.
Por último, o candidato da coalición quixo trasladar o recoñecemento e o aplauso colectivo ao persoal da sanidade pública que ven de lograr unha pequena victoria cargada de esperanza nunha longa loita contra o Covid-19 ao dar a alta médica ao primeiro paciente afectado polo coronavirus en Galicia-
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
