Santiago de Compostela, 30 de Marzo 2020. A portavoz nacional, Ana Pontón, aproveitou a comparecencia posterior á reunión virtual da Executiva do BNG para poñer sobre a mesa novas propostas co obxectivo de minimizar os efectos da crise tanto no aspecto sanitario como económico. E volveu advertir que, á vista dos resultados, a centralización de competencias que trouxo o estado de alarma non está sendo eficaz e, nese sentido, instou ao presidente da Xunta a exercer o autogoberno e liderar unha solución á crise adaptada á realidade do país.
“Estamos vendo que a centralización non nós resolve os problemas e necesitamos ter respostas propias, por iso lle pedimos á Xunta que lidere, que tome a iniciativa e que recupere ese autogoberno e a capacidade de actuación plena porque é evidente que necesitamos solucións pensadas desde a nosa propia realidade e non podemos estar agardando a que desde Madrid nos solucionen ou non os problemas que temos neste momento”, argumentou Pontón.
A líder nacionalista facía este chamamento a Feixóo tras subliñar o fracaso á hora de garantir o subministro de material sanitario de protección, “a centralización das compras non está dando bos resultados”, recalcou, por iso debe implicarse na busca de material en tres ámbitos: activar as compras a nivel internacional, localizar empresas que teñan equipamento de protección pola súa actividade ordinaria para poñelo a disposición da Xunta e activar un plan urxente para autoabastecemento de máscaras, batas, gafas, test ou respiradores.
“Hai capacidade no país para poder facelo tanto por parte das empresas como das universidades pero o Goberno galego ten que liderar esta iniciativa clave para xestionar con éxito esta crise”, alegou.
En materia sanitaria, o BNG insiste en demandar o peche dos territorios cunha afectación máis virulenta e blindar as zonas menos afectadas, “noutras palabras: pechar Madrid e blindar Galiza”, indicou Pontón. Tamén a realización masiva de test sobre todo entre o persoal que traballa en servizos esenciais, en particular o sanitario, pero tamén entre os colectivos máis vulnerables como as persoas maiores, prevención que, á vista do tráxico desenlace do falecemento dunha embarazada, debería tamén trasladarse a todas as mulleres grávidas se así o solicitan e nese sentido debería articularse algún protocolo por parte da Xunta.
Igualmente, o Bloque propón garantir os equipos de protección a todas as persoas que están na primeira liña de combate contra o coronavirus, preparar infraestruturas sanitarias anticipándose a unha posible saturación do sistema público de saúde, -“se o peor está por vir, como repite Feixóo, preparémonos”-, e un plan de choque nas residencias de maiores, onde a situación é tan crítica que require unha explicación do Goberno e por iso, o Bloque solicita a comparecencia da conselleira de Política Social na Deputación Permanente do Parlamento.
Implicación da sanidade privada
No aspecto sanitario a líder nacionalista tamén fixo fincapé na necesidade de garantir a implicación da sanidade privada, asegurando que non se produza infrautilización de material ou instalacións nin despedimentos; contratos con todas as garantías para o persoal de reforzo e trato igualitario na sanidade para estranxeiros e inmigrantes irregulares durante a crise, como xa fixo Portugal.
En relación as repercusións da pandemia sobre a economía, o BNG pediu unha actuación decidida do Estado e da Xunta para preservar o tecido empresarial, o emprego e os dereitos laborais e sociais, de novo instando a Feixóo “a liderar unha resposta galega” ante a falta de “medidas de calado”. Neste sentido, Pontón avanzou novas propostas por parte da formación nacionalista con tres medidas concretas.
Autoestradas tanto autonómicas como estatais libres de peaxes mentres dure o estado de alarma e a emerxencia sanitaria, “só na última década AUDASA gañou máis de 500 M€ polo que resulta indecente que pretenda recibir compensacións públicas para seguir facendo caixa mesmo no medio dunha pandemia”, alegou. Reclamar a devolución dos 60.000 M€ do rescate bancario para axudar a combater os efectos desta crise e suprimir burocracia para axilizar a tramitación de todas as axudas e de acceso ás liñas de crédito aprobadas, “non podemos converter estas axudas nun calvario”, indicou.
Pontón volveu trasladar todo o apoio e afecto ás persoas que perderon algún ser querido e ás que loitan para recuperar a saúde, así como todo o recoñecemento e solidariedade coas persoas que traballar en servizos esenciais, mesmo arriscando a súa seguridade, en beneficio da maioría. E tamén enviou “palabras de alento” ao conxunto da sociedade galega porque “quedan días moi duros pero este pobo vai seguir mostrando toda a súa capacidade de superación desde a solidariedade, desde a colaboración, desde a unidade para facerlle fronte a crise e conseguir que ninguén se sinta só no medio da tempestade”, concluíu.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
