Viveiro, 9 de abril de 2020. A compañía Cespa, encargada dos servizos de limpeza viaria e recollida de residuos dos concellos lucenses de Viveiro e Sarria, está a realizar a diario e desde o comezo da actual crise sanitaria do COVID19 tarefas de limpeza e desinfección das rúas e espazos públicos de ambos os municipios.
Nos traballos de desinfección, que utilizan unha disolución de hipoclorito de sodio, o persoal de Cespa presta unha especial atención ás proximidades dos centros de saúde, supermercados, oficinas bancarias, farmacias e outros establecementos comerciais que permanecen abertos para atender as primeiras necesidades das poboacións de Viveiro e Sarria.
A empresa concesionaria limpa e desinfecta todas as rúas do municipio de Viveiro de forma manual con axuda dunha hidrolimpadora sobre furgón. Tamén se incorporará en breve un atomizador de mochila.
En Sarria os traballadores de Cespa están a lavar e desinfectando todas as rúas do municipio de forma manual con apoio dunha máquina sulfatadora sobre un vehículo auxiliar.
Tanto en Viveiro como en Sarria, a compañía Cespa segue desde un primeiro momento na operativa diaria da xestión desta crise todas as indicacións pautadas polo Ministerio de Sanidade, a Consellería de Sanidade, os propios concellos e a Organización Mundial da Saúde.
Os responsables da empresa están en contacto continuo con ambos os gobernos locais para coordinar todas as medidas, garantindo a mellor prestación do servizo nestes momentos de situación excepcional e velando pola seguridade e a saúde dos traballadores, aos que agradece o seu esforzo.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
