Cervo, 17 de abril de 2020. O Concello de Cervo, a través da delegación de Sanidade e Medio Ambiente, que dirixe Mali Méndez, realiza un traballo exhaustivo de desinfección de todos os colectores do termo municipal.
Tal e como explica Méndez, desde o mesmo inicio da crise sanitaria, vai máis dun mes, entendemos que era fundamental priorizar estas tarefas de desinfección nas zonas especialmente sensibles de uso compartido pola veciñanza como son os diferentes colectores instalados en todo o termo municipal. En concreto, téñense contabilizados e xeolocalizados 545 colectores verdes (de materia orgánica e fracción resto), 179 amarelos (envases, latas…), 44 azuis (papel), 12 vermellos (aceite), e 45 de vidro.
Estas tarefas, a base dunha solución de hipoclorito, esténdense tamén ás papeleiras, a todo o mobiliario urbano e espazos públicos tanto nas zonas rurais como urbanas do municipio.
A edil recorda ademais que se están a realizar estes traballos diariamente nos accesos, e nas inmediacións na unidade residencial da Asociación de Axuda ao Enfermo Mental A Mariña, do Centro de Día Residencia, e dos centros de saúde de Cervo e San Ciprián.
Desde o Concello de Cervo tamén se editou unha guía para o tratamento dos refugallos dirixida tanto aos fogares con enfermos de COVID-19 ou en corentena, como para aqueles sen positivos, que está dispoñible na redes sociais municipais.
No documento, de maneira gráfica, explícase, como hai que separar os residuos do paciente, o material do coidador e os refugallos domésticos; introducindo na bolsa 1 os restos do enfermo; na bolsa 2 iría a bolsa 1 e o material do coidador; e nunha terceira bolsa introduciríanse a bolsa 2 e os refugallos domésticos; esta terceira bolsa tería que ser depositada no contedor de fracción resto.
Así mesmo, nos fogares nos que non hai detectado ningún caso de coronavirus nin en corentena, os refugallos eliminaranse da maneira habitual. Tamén se recorda que as luvas non son envases e polo tanto deben botarse tamén no contedor de fracción resto; non no amarelo.
O Concello de Cervo realiza un traballo exhaustivo de desinfección de todos os colectores do termo municipal desde o inicio da crise sanitaria
Relacionado
-
Este domingo terá lugar en Ribadeo o Día da Bicicleta
-
A parroquia de Sante, en Trabada, celebra este domingo a terceira edición da Voltiña con percorridos e paellada popular
-
O goberno de Ribadeo anuncia obras de 30.000 euros no pavillón de Alfredo Deaño e critica a “deixadez” do anterior executivo do BNG
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
