Viveiro, 28 de abril de 2020. O Concello de Viveiro vén de aprobar os padróns de auga e canon de saneamento, rede de sumidoiros e taxa de recollida de Lixo, correspondentes ao primeiro trimestre do 2020, iniciándose o cobro destes recibos a partir do 30 de abril.
Atendendo á crise sanitaria e económica actual, o Concello de Viveiro mantivo diversas conversas con Viaqua -empresa concesionaria do servizo de abastecemento de auga- e, de forma conxunta, acordouse a adopción dunha serie de medidas que se establecen co obxectivo de facilitar o pago dos recibos deste servizo:
O financiamento ou aprazamento de facturas, sen intereses, a todos os colectivos que ante esta situación excepcional presenten dificultades no pago das súas facturas; para isto, os usuarios deben contactar telefónicamente coa empresa concesionaria, que analizará cada situación en particular co fin de flexibilizar os pagos.
O plan de cota fixa (Plan 12 Gotas), ofrecido pola empresa concesionaria, que pode solicitar calquera cliente e que permite pagar todos os meses o mesmo importe en base ao consumo do ano anterior, regularizando ao final de ano a situación. No caso de que o importe sexa superior ou inferior ao consumido, devólvese a cantidade ou finánciase a pagar nos seguintes meses, respectivamente. Este plan ofrece a posibilidade de elexir a data do mes que prefira para a domiciliación bancaria.
A suspensión de todos os cortes de subministro; aínda que xa non se cortaba o suministro de auga a persoas en situación de vulnerabilidade económica, coa declaración de emerxencia sanitaria, ampliouse esta medida a todos os clientes, paralizando calquera acción de reclamación de débeda ou de cortes de subministro. Desta forma, garántese que un ben básico como é a auga chegue a todos os fogares; nun momento, ademais, no que a hixiene se convertiu nunha acción indispensable para previr o contaxio do COVID 19.
A ampliación do prazo do período voluntario de pago de facturas a 90 días.
Así mesmo, lémbrase que aqueles contadores que non puideron ser lidos antes do Estado de Alarma, serán estimados utilizando para iso a mesma lectura do mesmo período do ano anterior. No caso de industriais e comerciais que por actividade figuren correctamente descritos na base de datos da empresa concesionaria, realizarase unha estimación a cero a partir do 13 de marzo e durante o estado de alerta, tendo en conta que o Decreto 463/2020 obriga ao peche da actividade.
Deste xeito, conseguirase que o consumo estimado se achegue máis á realidade. Calquera exceso ou defecto na estimación, regularizarase en posteriores facturacións en canto se poida volver a realizar a lectura física e presencial.
No suposto de que non se devengasen as referidas taxas a partir da data da declaración do Estado de Alarma por peche de actividades, neses casos, será analizado e acordado o que proceda e, no seu caso, compensados ou devoltos eses importes nos seguintes recibos.
Con estas medidas, preténdese minimizar as consecuencias económicas desta pandemia; ademais, o Concello de Viveiro está traballando para poñer en marcha unhas medidas de reactivación económica dentro das propias competencias.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
