Lugo, a 28 de abril de 2020. A presidenta provincial, Elena Candia, acompañada novamente dos senadores José Manuel Barreiro, Rosa Arza e Manuel Varela, mantivo unha reunión telemática de traballo co presidente da Asociación Provincial de Empresarios de Hostalería e de Turismo de Lugo (APEHL), Cheché Real, na que abordaron o futuro que se lle presenta ao sector a consecuencia da crise sanitaria do Covid-19.
Na xuntanza, enmarcada na rolda de contactos que os populares, encabezados por Elena Candia, veñen mantendo nos últimos días, destacouse a necesidade de que o Goberno “flexibilice” os ERTEs. É dicir, que cando comece a desescalada os negocios poidan abrir en condicións seguras e que estes Expedientes de Regulación Temporal non se convertan en EREs. “Esta será a maneira de manter a actividade”, expuxeron.
Precisamente, os senadores apuntaron que xa teñen rexistrada unha iniciativa para demandar ao Executivo que clarifique cando ten previsto ingresar aos lucenses e galegos afectados polos Expedientes de Regulación de Emprego Temporal a correspondente prestación, xa que, “levamos mes e medio con negocios pechados e moitas persoas seguen sen cobrar a súa prestación”.
Os populares, que amosaron a súa preocupación pola situación que se lle presenta ao tecido socioeconómico e empresarial da provincia, unha vez que o Goberno levante o estado de alarma, trasladaron ao dirixente da APEHL que, xa se anticiparon e presentaron outras medidas para que o Executivo estatal palíe os efectos económicos que trae aparellados a pandemia. É o caso da petición de deseño e aplicación de actuacións específicas destinadas ao sector servizos e do comercio minorista que contribúan a solucionar o problema dos arrendatarios de locais de negocio para facer fronte ao pagamento do alugueiro durante o período no que estean obrigados a clausurar a súa actividade.
“Pensamos que o presidente debe ter un proxecto de país para a nova normalidade que se nos aveciña. Dende logo, nada vai ser coma antes e o que non pode ser é que nunha provincia como a nosa, na que o turismo e a hostalería teñen un papel moi relevante na economía, non se lles garanta aos nosos empresarios os recursos para poder manterse abertos, así como os postos de traballo que xeran”, concluíu a presidenta.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
