Burela, a 20 de abril de 2020. O Grupo Municipal do Partido Popular burelés cualifica de “moi graves” as manifestacións da concelleira Carmela López, na que advertía que o Concello deseña novas medidas de emerxencia para paliar as necesidades de 90 familias en situación de risco social e económico.
“Parécenos moi ben que se distribúan alimentos, pero esas familias, por desgraza, tamén teñen outras necesidades, coma pagar alugueiros, abastecementos de auga e luz, o recibo do lixo, etc. Polo tanto, toca actuar xa e deixarse de planificar, que para iso xa tiveron un mes”, destacan.
A concelleira popular, Ana Álvarez, indica que o alcalde e o seu goberno xa tiñan que ter deseñadas e postas en marcha esas medidas. “Quero lembrar que nós presentamos un escrito hai máis dun mes, concretamente o 17 de marzo, no que solicitabamos a ampliación do fondo de continxencia de axudas sociais ás familias, dotado tan só con 17.500 euros, e a súa posta a disposición das persoas e familias necesitadas. Por desgraza, polas declaracións da concelleira socialista, deducimos que aínda non teñen nada feito, algo que, tamén por desgraza, é moi propio do alcalde Llano”, sinala.
Álvarez vai máis aló: “se non saben como facelo, nós podemos dicirlles que esa bolsa económica pode e debe poñerse en funcionamento. Hai partidas económicas dentro do orzamento prorrogado de 2019, en vigor, que están sen esgotar e pertencen á mesma bolsa de vinculación ca partida na que figuran os 17.500 euros xa citados. Pois ben, as Bases de Execución (BE) do Orzamento, no seu artigo 5, describen o nivel de vinculación xurídica, por exemplo, dentro da mesma área de gasto. Pero, a maiores, e no referido ás modificacións de crédito, hai modificacións que non teñen que ir a pleno e que son executivas dende a adopción do acordo de aprobación (artigo 6.5 das BE). O mesmo acontece coas transferencias de crédito entre partidas que sexan aprobadas polo alcalde, tamén son executivas desde o momento de adoptar o acordo (artigo 10.3 das BE)”.
A viceportavoz popular indica que “como se ve, figuras de posible aplicación inmediata hai, sen necesidade de agardar polos orzamentos deste ano, a súa exposición ao público, a elaboración das bases, convocatoria e resolución, que moi ben nos poderían levar a setembro. Por iso demandamos que se faga xa, porque gañaríamos polo menos mes e medio, e este tempo para estas familias suporía demasiada agarda”.
E segue, “no relacionado cos cartos, o alcalde saberá cales son as partidas que están con liquidez e que se poidan vincular xuridicamente á citada partida para incrementala. Por exemplo, as partidas relacionadas con cultura seguro que teñen cartos, e polo tanto susceptibles de aumentar a de axudas sociais ás familias, e agora mesmo o prioritario é axudar ás familias que o necesitan”.
Polo tanto, engade Álvarez, “con estas premisas, esixímoslle ao alcalde que se poña a traballar xa, que esta demorando moito a adopción de solucións, e que as familias non aguantan máis. A partires de agora non ten ningunha desculpa, se non sabía como facelo, cando menos, nós aportamos ideas e propostas”.
Os populares agradecen tamén publicamente a colaboración do Banco de Alimentos e de Mulleres en Igualdade co concello para paliar, na medida do posible, os efectos da crise do Covid-19 nas familias en situación de risco económico e social.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
