Burela, 24 de abril de 2020. Dende a asociación de veciños “O Vencello” de Burela agardamos que a reunión do pasado mércores entre responsables da ACIA e o Goberno local sirva para materializar por fin axudas ao tecido comercial e empresarial da nosa vila tralo peche de actividade derivado da crise do COVID-19. Creemos que a devandita reunión tiña que terse realizado hai xa varias semanas e que os nosos responsables municipais adoeceron de axilidade á hora de acometer esta crise, pero aínda así valoramos
positivamente o anuncio do alcalde de que o Concello artellará liñas de axuda nos vindeiros orzamentos municipais para tal fin.
Ao mesmo tempo creemos que, ademais de artellar axudas para o comercio local, a Corporación municipal debe tamén adoptar outra serie acordos de cara a rebaixar a presión fiscal dos veciños deste municipio.
Neste sentido vimos de presentar un escrito hai uns días no rexistro municipal solicitándolle á Corporación a inmediata rebaixa dos custes e das esixencias administrativas para tramitar algunhas taxas municipais, coma a referida a ocupación de vía pública con materiais destinados á construción (andamiaxes, colectores de entullos, etc…). Consideramos que os trámites esixidos dende o Concello son abusivos e claramente discriminatorios en comparación con outros municipios veciños da comarca.
Así por exemplo, o propietario dunha vivenda que necesite ocupar durante unha xornada de traballo 8 metros de beirarrúa para acometer a limpeza dos canalóns da súa casa en Burela vese na obriga de ter que pagar por oito días de ocupación (é o mínimo de días fixados por este concello para poder conceder o permiso). Ademais, tamén ten que presentar un Estudo Básico de Seguridade e Saúde firmado por un técnico acreditado; mentres que en concellos coma Foz, Viveiro, Cervo ou Xove esta mesma taxa está estipulada por días e non é necesario presentar dito estudo técnico.
Deste xeito, o Concello de Burela cobra unha taxa de ocupación de 218€ pola ocupación da vía durante unha xornada; mentres que o de Foz so cobra 1,20€ e Viveiro 2,40€ (por poñer algúns exemplos).
Como dicimos, esta diferencia tan esaxerada débese fundamentalmente a que a tramitación deste permiso no Concello de Burela exixe a presentación dun Estudio Básico de Seguridade e Saúde firmado por un técnico (150€+IVA aprox.) mentres que nos outros concellos non é preciso este documento; pero aínda eliminando o devandito estudo técnico, a taxa en Burela sigue sendo claramente superior á de Foz ou Viveiro, xa que en Burela é obrigatorio solicitala por un tempo mínimo de oito días.
Este é so un exemplo da presión fiscal que teñen que soportar todos os veciños de Burela (autónomos, empresarios, asalariados… todos) e tralo acontecido coa paralización da economía pola pandemia do coronavirus creemos que vai ser inasumible. Por iso, solicitamos á Corporación municipal que traballen en artellar mecanismos legais que permitan a rebaixa das taxas e impostos municipais para o conxunto dos veciños e veciñas de Burela e que materialicen esas medidas no vindeiro Pleno de aprobación dos orzamentos previsto para maio.
Plenos en streaming
Por outra banda, valoramos tamén positivamente o anuncio do alcalde de que o pleno municipal do xoves vai ser transmitido en aberto vía streaming. Do mesmo xeito, desexamos que a partir de agora os vindeiros plenos sexan tamén transmitidos en directo, para maior transparencia, información e coñecemento da cidadanía das diferentes medidas e de todo o que lles afecta.
LU-P-1502
Por último, anunciar que vimos de recibir unha comunicación vía correo electrónico do Servizo de Vías e Obras da Deputación provincial respondendo a unha petición que lles formulamos hai uns días solicitándolles a mellora da estrada LU-P-1502 que comunica Burela co cemiterio municipal, co punto
limpo e tamén coas parroquias cervenses de Rúa e San Román.
Nesta comunicación de resposta, os técnicos provinciais comprométense a desprazarse á zona “en canto sexa posible” para comprobar as necesidades desta estrada. A vía atópase nun estado de abandono que pon en perigo a seguridade viaria. As cunetas están sen limpar, o que provoca que a auga corra pola estrada co conseguinte perigo para vehículos e peóns que transitan por ela; e tamén carece de valado “quitamedos” nalgúns tramos a pesares do gran desnivel que ten na maior parte do seu recorrido polo
termino municipal.
Agardamos, pois, que este anuncio de visita á zona se materialice o antes posible e poder, deste xeito, concretar as peticións formuladas polo noso colectivo de cara á mellora desta estrada.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
