Foz, 17 de abril, 2020. A firma PESCADOS RUBEN SL acaba de renovar as súas certificacións de UNE ES ISO 22000:2018 e IFS GLOBAL MARKET, co obxectivo de garantir a inocuidade dos produtos que comercializa e cumprir as esixencias do mercado e expectativas dos seus clientes, fortalecendo así a confianza dos consumidores. Esta aposta pola calidade achega valor engadido e diferenciación aos produtos da marca.
O sector agroalimentario é, sobre todo nestes momentos, un sector estratéxico para a economía española. A certificación acreditada dos produtos achega garantías aos consumidores de que se cumpren todos os requisitos legais. En Pescados Rubén, a todas as fases da produción, desde as manuais ata as informáticas e robotizadas, son sometidas a estritos controis de calidade, o que permitiu á empresa dispoñer de sucesivas certificacións de produto desde hai máis de 16 anos.
De feito a calidade é un factor básico dentro da filosofía de Pescados Rubén. O peixe que chega á súa fábrica é sometido a análises constantes a fin de asegurar unha óptima calidade en todas as fases de produción e en toda a súa gama de produtos do mar, cumprindo uns estándares adecuados en cada fase da elaboración do produto final, analizando os seus parámetros de frescura, temperatura, etiquetaxe, etc.
A Norma UNE ES ISO 22000:2018 especifica os requisitos que debe cumprir un sistema de xestión para asegurar a inocuidade dos alimentos ao longo de toda a cadea alimentaria ata o punto de venda como de consumo final. A norma está dirixida a calquera organización que estea directa ou indirectamente involucrada na cadea alimentaria, independentemente do seu tamaño ou complexidade.
Os obxectivos desta certificación pasan sobre todo por reforzar a seguridade alimentaria, baseada en procesos de mellora continua, e asegurar a protección e confianza do consumidor; levando un control máis eficiente e dinámico dos riscos para a seguridade alimentaria.
Pola súa banda, o certificado IFS Global Markets Food indica que a empresa certificada ten establecidos procesos apropiados para garantir a seguridade dos produtos que fabrica e que respecta as especificacións dos seus clientes.
No seu percorrido desde o mar ata a mesa os produtos pesqueiros poden atravesar unha cadea de subministración moi complexa, e Pescados Rubén cumpre tamén co Estándar de Pesquerías de MSC en diversos produtos. O seu selo azul determina se unha pesqueira está a ser ben xestionada e é sostible, e garante a trazabilidade dos produtos procedentes de pesquerías sostibles con certificación de MSC.
A acreditación convértese ademais nunha ferramenta de garantía internacional que facilita o acceso a novos mercados, por iso Pescados Rubén conta tamén con certificación en SAE (Sistema Auditado de Autocontrois Específicos) para a exportación de alimentos de orixe animal a terceiros países.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
