Cervo, 8 de abril, 2020. “Nos ollos de Celia”, ese é o título do poema gañador da autoría de Xacobo Casal Villares
De lonxe e temeroso vereite tocar entre as fendas dun muro as flores dun pequeno toxo
e de cerca ensinarasme que non haberá pedras que non haberá espiñas
mentres as túas mans procuren sentir o descorrer omnipotente desta e todas as primaveras
e sendo os mesmos ollos que te viron nacer os ollos cos que naciches e miraches a túa nai
sexa a primavera que sexa
a renacida foresta que saibamos deixarche
sei que será túa e será libre
tan libre coma a terra baldeira de nós mesmos que hoxe quixera ensinarche a pisar
tan libre coma un carreiro de bágoas entre eiras coma unha eira de bágoas entre carreiros
empedrados eles reverdecidas elas co recordo de todas as penas que agora quixeramos deixar atrás
serás libre meu amor serás canción sen tempo serás verso sen medida
serás un concerto de campás gaitas bombos e tambores en día de festa
serás un pulo entre todas as nenas pulando
entre tódalas voces berrando no patio sen fronteiras que será algún día pobo serás voz
ou serás silencio e quietude porque serás ti e serás o que queiras ser
e cando volva o trigo e o millo ás herdades hoxe desertas
sendo ti terás man aberta en xenerosa sementeira
e cando as nogueiras e os castiñeiros ruxan nos montes abertos
sendo ti repartirás bicos de noces colares de magosto a fraga enteira
e todas as veciñas bailarán ao teu redor o alalá da miña meniña o alén das uvas
viño pan e chourizos cantareiras
e cando o mar asubíe contra o nordeste noso vento
sendo ti retratarás amenceres luminosos sobre a area brétemas esvaecidas na ribeira
e todas as veciñas bailarán ao teu redor o alalá da miña meniña o alén das uvas
viño pan e ourizos cantareira
has cantar libre meu amor has cantar coma faro lúcido no cumio do último peteiro
has cantar coas mans alzadas sen nada que nos deber sen nada que esperar de nós
co horizonte aos teus pés has cantar ti fouce forte gamela pequena auga mariñeira
has cantar ao mundo que non soubemos ser coa felicidade de quen ten os petos baleiros
entón seremos silencio e quietude porque serás libre serás ti da man de todas serás o que queiras ser
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
