Lugo, 20 de maio de 2020. A Deputación de Lugo acaba de integrarse na Rede de Destinos Turísticos Intelixentes, un ente de ámbito estatal que está coordinado pola Secretaría de Estado de Turismo. A súa candidatura foi aceptada este mércores pola mañá na Comisión Executiva da Rede que se celebrou por vía telemática e que estivo presidida pola Ministra de Industria, Comercio e Turismo, Reyes Maroto. A Deputada de Promoción do Territorio e Turismo, Pilar García Porto, amosa a súa satisfacción xa que “será clave para o proceso de reactivación do turismo da nosa provincia e repercutirá positivamente na chegada de visitantes despois da crise do coronavirus Covid-19”.
García Porto subliña que esta adhesión non supón ningún compromiso económico para a institución, pero insiste no valor enriquecedor que leva consigo “traballar en rede con outros destinos que teñen a mesma filosofía ca nós, que apostan polas novas tecnoloxías e que teñen como fin achegarlle ao visitante outra maneira de descubrir os destinos, considero que desta maneira lograremos facer de Lugo un destino moito máis atractivo”. Ademais, engade que “no novo panorama que debemos afrontar agora, a plataforma será crucial para compartir información e guías de boas prácticas, impulsar novas ferramentas punteiras no sector e moitas outras accións coordinadas por expertos dependentes do Ministerio de Turismo, que nos axudarán a adiantarnos ás novas demandas dos viaxeiros”.
García Porto expón que dende a Deputación se reformulou a estratexia turística ante o novo panorama actual, pero sempre apostando por iniciativas que estean á vangarda do sector. “Traballamos para reforzar Lugo como un destino fiable, de calidade e de excelencia, centrado en valores como a seguridade, a tranquilidade ou a sustentabilidade, e potenciando atractivos como a natureza, o rural ou a enogastronomía, é dicir, proxectar Lugo como lugar saudable que é”.
Candidatura
Entre os aspectos que se valoraron para aceptar a candidatura da Deputación de Lugo, tívose en conta a gobernanza a través do Consello Provincial de Turismo, as iniciativas que se están desenvolvendo como a implantación dun sistema de información turística intelixente, a través de plataformas que estarán dispoñibles en diferentes dispositivos portátiles ou, entre outras, a aposta por aplicacións móbiles como Lugo Cambia 360º e Inventrip. “Coas accións que estamos levando a cabo evidenciamos que temos un claro interese por apostar polo emprego das novas tecnoloxías como ferramenta de consolidación do turismo no territorio. Son unhas actuacións que queremos que se vexan potenciadas grazas a esta integración dentro da Rede de Destinos Turísticos Intelixentes”, subliña.
A Deputada de Promoción do Territorio e Turismo expón que se dá un paso adiante ao integrarse nesta rede que “ten como obxectivo impulsar a innovación e a tecnoloxía no ámbito do turismo en España e contribuír desta maneira a que os destinos sexan máis competitivos”.
Sobre a Rede RDTI
A Rede de Destinos Turísticos Intelixentes constituíuse o 27 de febreiro de 2019 e ten como obxectivo promover un novo marco de referencia para consolidar a competitividade do modelo turístico español. Hoxe integráronse 16 novos destinos, co que o número de membros da Rede se eleva ata os 121 (88 son destinos, 16 membros institucionais e 16 empresas colaboradoras).
Ademais da recén integrada Deputación de Lugo, na Rede intégranse outros cinco destinos galegos: os concellos de Ourense, Sanxenxo e Vilagarcía de Arousa e as Deputacións de Pontevedra e de Ourense.
Apoio ao sector
A Deputación de Lugo puxo a disposición do sector turístico provincial información relevante para facilitar a desescalada e a adaptación á nova realidade xurdida pola crise sanitaria do Covid-19. A través nun novo espazo na páxina web de Turismo, os profesionais e empresas deste sector poden atopar documentación como o Plan de Transición cara a Nova Normalidade establecido polo Ministerio de Sanidade, os servizos de asesoramento gratuíto que ofrece a propia Deputación a empresas, autónomos e emprendedores ou as axudas dispoñibles para o sector.
A Deputada de Promoción do Territorio e Turismo, Pilar García Porto, explica que “esta iniciativa permitirá que un dos sectores económicos máis importantes da nosa provincia e un dos máis afectados pola crise sanitaria poida atopar toda a información nun solo click e axudar deste xeito que as empresas reabran coa máxima seguridade”.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
