Lugo, 18 de maio de 2020. O delegado territorial da Xunta en Lugo, José Manuel Balseiro, asegurou que os Grupos de Desenvolvemento Rural (GDR) da provincia terán un papel decisivo no impulso da recuperación económica tras a pandemia e, nese senso, animounos a interesarse e tomar partido polas necesidades que xurdan nos seus respectivos territorios.
Balseiro sempre significou a importancia das axudas da Axencia Galega de Desenvolvemento Rural (Agader) –xestionadas en cada ámbito xeográfico polos GDR- como pulo para facer realidade moitos proxectos que apostan polo rural como un lugar de oportunidades e dixo que o financiamento que ofrecen pode ser un factor decisivo para dar viabilidade a moitas iniciativas que non teñen acceso ás liñas de financiamento habituais.
O Leader ten un orzamento de 84 millóns de euros dentro do Programa de Desenvolvemento Rural (PDR) de Galicia 2014-2020. Só nos dous últimos anos a Xunta achegou 9,7 millóns de euros en axudas directas xestionadas polos GDR da provincia de Lugo que serviron para apoiar 139 proxectos, que permitiron a consolidación de máis de 502 postos de traballo e tamén a creación de 114 novos empregos no rural lucense.
Así llo trasladou hoxe Balseiro aos xerentes e presidentes dos seis GDR da provincia de Lugo nunha videoconferencia na que, ademais de facer un pequeno balance das actuacións realizadas ao longo dos últimos meses, fundamentalmente a validación e estudo dos proxectos presentados, a reunión serviu para coñecer máis polo miúdo as achegas e necesidades destas agrupacións.
Na actualidade son seis os GDR operativos na nosa provincia: o de Terras de Miranda, na Mariña lucense, o de Lugo e comarca, o de Vales e Montes Orientais, o da Ribeira Sacra, o Miño-Ulla e o da Terra Chá. Todos eles abarcan a totalidade do territorio lucense.
A xuntanza serviu tamén para poñer de manifesto a boa sintonía existente entre a Xunta e estas entidades e para confirmar a aposta da Consellería do Medio Rural por darlle continuidade aos GDR como xestores da medida Leader de cara aos vindeiros anos.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
