Ribadeo, 11 de maio de 2020. Acisa repartiu hoxe entre os seus socios e socias a cartelería precisa coas novas normas e recomendacións que hai que ter en conta á hora de entrar a comprar nun establecemento comercial. O xerente, Jesús Pérez, confirmou que “aínda que hoxe é o luns, e os luns en Ribadeo tradicionalmente o comercio está pechado, temos que confirmar que arredor do 90% dos nosos asociados e asociadas están abertos. É unha xornada na que están a recibir todo o material que lles estamos a entregar de xeito totalmente gratuíto e están a ver cómo se achegan os primeiros clientes, tras dous meses de peche desde que se decretou o estado de alarma”.
Acisa estalles a entregar aos socios e tamén a aqueles outros que non son asociados, pero que si o demandaron, carteis para poñer o aforo dos locais, coas recomendacións de uso de mascarillas, de luvas, de manter a distancia de seguridade, e de desinfectar as mans cos xeles que atoparán nos establecementos, a necesidade de manter a distancia se seguridade ou a de efectuar os pagos con tarxeta. Tamén están a recibir cintas para colocar no chan “e que así a xente saiba onde ten que agardar pola súa quenda”.
Todo este material únese ás mais de 3.300 mascarillas cirúrxicas, aos 180 botes de xel hidroalcohólico e ás 100.000 luvas de usar e tirar. Éstas últimas repartiranse dentro duns días, “porque tivemos moitas complicacións para poder conseguilas. O resto do material xa está en todos os comercios que abriron hoxe. Hainos que abren mañá, co que continuaremos co reparto esa xornada. E no caso da hostalería contarán con todo este material cando vaian abrindo”.
O presidente e o xerente de Acisa, Francisco Iriarte e Jesús Pérez, animan “a comprar no comercio local. Agora máis que nunca este sector precisa do apoio da súa clientela. Si queremos que os pobos sigan tendo vida temos que mercar en Ribadeo, senón acabarán desaparecendo os locais e con eles as nosas vilas”.
Desde Acisa confirman que “no caso da hostalería algunhas terrazas de socios e de non asociados abriron hoxe. Son poucas ata o momento, pero estamos a recibir moitas chamadas con consultas, con dúbidas, etc, de bares amosando interese por abrir as súas terrazas. Estamos convencidos de que algunhas máis irán abrindo nos vindeiros días”.
Acisa ademais envía a diario información actualizada aos seus socios e socias coas medidas e novidades que as diferentes administracións están a poñer en marcha durante o estado de alarma, ocasionado pola chegada a España da pandemia do Covid-19.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
