Ribadeo, 30 de maio de 2020. O Concello de Ribadeo ven de solicitarlle á Xunta que acometa os traballos de roza pertinentes no Camiño Natural do Cantábrico. O alcalde, Fernando Suárez, no escrito remitido ao Servizo de Conservación da Natureza alude ás queixas “totalmente xustificadas” por parte da veciñanza que o emprega para pasear ou para facer deporte.
O rexedor sinala que “unha vez se están a recibir queixas totalmente xustificadas por parte dos nosos veciños, trasládaselles un ano máis a necesidade de adecuar o Camiño Natural do Cantábrico ao seu paso por Ribadeo, principalmente acometer os traballos de roza pertinentes para librar o camiño de maleza, ademais doutras tarefas de mantemento que poidan ser necesarias, pois este tipo de actuación é competencia da Xunta de Galicia de acordo co convenio subscrito entre a administración autonómica e o Ministerio de Medio Ambiente para a execución de dito camiño”.
Para Suárez Barcia “toda este situación vese agravada este ano pola actual situación que estamos a atravesar por mor do Covid-19, sendo este un lugar moi frecuentado pola nosa veciñanza tanto para pasear como para facer deporte, agora que están permitidas estas actividades, coas pertinentes medias de precaución e restricións, o actual estado da senda imposibilita o seu uso”.
Pola súa banda, o concelleiro de Medio Rural, Jesús Mundiña, referiuse hoxe á información do Grupo Municipal do Partido Popular de Ribadeo sobre o que cualifican de estado de abandono das vías municipais invadidas de maleza porque non están desbrozadas. O edil nacionalista fai varias puntualizacións: “efectivamente, o Concello conta con dous tractores e os seus apeiros correspondentes para facer labores de desbroces nos bordes dos camiños. Un deles traballa nas parroquias do interior (Couxela, Vilaosende, Cedofeita, Covelas, Arante e o barrio de Noceda da parroquia de A Devesa) e o segundo tractor faino nas parroquias de Vilaselán, Piñeira, Ove, Vilaframil, Rinlo e A Devesa. Os camiños municipais que están dentro das 14 zonas de concentración parcelaria, así como os que comunican entre si as parroquias e núcleos suman algo mais de 267 quilómetros, o que representa que cada tractor debe desbrozar mais de 130 quilómetros. Non se inclúen os 140 quilómetros de camiños forestais que son desbrozados una vez ao ano por una empresa externa, e que para este ano acaba de licitar o Concello”.
Jesús Mundiña indica que “como é ben sabido, o crecemento de herba non é homoxéneo ao longo do ano, acadando o máximo nos meses de abril e maio, polo que manter nestes dous meses cos medios dispoñibles a herba dos mais de 260 quilómetros de camiños cunha altura baixa é difícil. Pero isto sucede nun curto período de tempo”. E explica que “o último desbroce integral fíxose no inverno polo que a vexetación dos camiños que nestas datas quedan por desbrozar non ten mais de dous meses. Trátase de vexetación herbácea (gramíneas e dicotiledóneas) que aínda non rematou o seu ciclo vexetativo, e mantéñense cunha porcentaxe moi alta de humidade polo que tampouco representan aínda un perigo para os incendios, e a data de hoxe estase rematando o primeiro pase de desbroce despois do inverno en todas as parroquias”.
O concelleiro de Medio Rural di: “o Grupo Municipal do Partido Popular tamén debería requirir á Xunta de Galicia que mantivese desbrozado o Camiño Natural do Cantábrico ao seu paso por Ribadeo, que, por certo, sempre soe facelo moi tarde. Desde o Concello seguiremos tratando de optimizar o mellor posible os nosos recursos para manter os camiños do noso rural no mellor estado posible”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
