Barreiros, 30 de maio, 2020. A situación vén provocada pola delicada situación económica que vive o Clube, consecuencia da falta de compromiso e apoio por parte do Concello de Barreiros. O pasado venres 29 de maio de 2020 finalizou a tempada das Escolas Deportivas e o contrato que tiña o Clube co Concello, tanto das Escolas como o de subcontratación do Ximnasio Municipal.
Dende o seo do Clube tentouse chegar a un achegamento co equipo de goberno dende o pasado 2019, pero dito acordo non foi posible. As condicións propostas polo Concello non garanten a viabilidade do proxecto, e ante dita situación, a Xunta Directiva do Praias de Barreiros decidiu non continuar co mesmo.
Un proxecto iniciado por un grupo de amigos que non tiña outro fin máis que o de disfrutar do fútbol sala, foi medrando para dar resposta ás solicitudes dos veciños, socios e do propio Concello. O Praias de Barreiros C.D. acadou unha gran dimensión ata chegar a acoller a máis de 200 deportistas na actualidade. Unha gran esctructura que precisa dunhas garantías económicas para o seu correcto desenvolvemento.
·Equipo sénior masculino de fútbol sala (Terceira División): 18 participantes
·Equipo sénior feminino de fútbol sala (Primeira Feminina Lugo): 18 participantes
·Equipo de atletismo: 10 participantes
·Equipo de fútbol sala cadete (Xogade): 10 nenos/as
·Equipo de fútbol sala infantil (Xogade): 6 nenos/as
·Equipo de fútbol sala alevín (Xogade): 8 nenos/as
·Dous equipos de fútbol sala benxamín (Xogade): 25 nenos/as
·Equipo de fútbol sala prebenxamín (Xogade): 8 nenos/as
·Equipo de fútbol sala biberón: 5 nenos/as
·Tres equipos de patinaxe: 30 nenos/as
·Piscina en Foz (unha vez por semana): 30 nenos/as
·Ximnasia de mantemento e aerobic para maiores en Cabarcos, San Miguel e San Cosme: 40 participantes
O Clube foi medrando e adaptándose ás necesidades ata converterse nunha referencia para a mocidade de Barreiros, un espello no que fixarse. Pero trala fractura existente, a continuidade dos equipos sénior en competición (equipo sénior masculino e equipo sénior feminino de fútbol sala, así como o equipo de atletismo) perden a súa razón de ser, que non era outra que a da promoción do deporte entre a xuventude do Concello de Barreiros.
Por todo iso, a Xunta Directiva do Praias de Barreiros, en reunión celebrada o pasado venres, decidiu rematar co proxecto deportivo e empraza ós seus socios a unha próxima Asamblea Extraordinaria que terá lugar en próximas datas.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
