Mondoñedo, 09 de maio de 2020.- Os próximos días 12, martes, e 13, mércores, desenvolverase a segunda parte do Workshop Mondoñedo Virtual, dirixido por Felipe Debasa e Roberto Reigosa, enfocado a loitar contra o despoboamento nos tempos do coronavirus a partir dos bens culturais e o patrimonio, as smart cities, o entorno rural e a tecnoloxía. Estas videoconferencias efectuaranse por medio da plataforma Zoom e serán retransmitidas pola canle de Youtube de The Mondoñedo Valley e tamén a través da páxina de Facebook do Concello de Mondoñedo. Esta iniciativa enmárcase no proxecto Mondoñedo Valley Covid-19, para a loita contra o despoboamento, un proxecto encargado polo Concello de Mondoñedo á Universidad Rey Juan Carlos, dirixido polo profesor Felipe Debasa.
O martes, ás 12.00 horas está prevista a presentación na que participarán o alcalde, Manuel Otero; Alberto García Fernández, concelleiro de Tecnoloxía de Mondoñedo; Elena Candia, tenente de alcalde; Arturo de las Heras, presidente do grupo CEF-UDIMA, e Francisco Cal Pardo, presidente da Asociación de Ingenieros Industriales de Madrid.
Segundo se recolle no programa, ás 12.10 comezará a sesión sobre Patrimonio cultural e histórico. Intervirán Abel Vigo, doutor en Historia e Arqueoloxía, arqueólogo do Concello de Mondoñedo, que falará de Orígenes del poblamiento de la ciudad de Mondoñedo. De la Edad del Hierro a la plena Edad Media; de los castros a la construcción de la catedral.
Nesta mesma sesión participará Roberto Reigosa, historiador da Arte, que falará sobre La plaza de Mondoñedo, evolución de un espacio civil desde su origen en las fuentes hasta su transformación romántica. Pola súa parte, Javier Gómez Darriba, doutorando en Historia da Arte, na USC, abordará o tema Mondoñedo en el siglo XVIII. La renovación urbana de una ciudad episcopal.
Polo seu lado, Pedro Díaz Fernández, deán da catedral de Mondoñedo, falará de Mondoñedo y el siglo XX: cambios, evolución y futuro de una ciudad secular.
Para as 17.30 horas está prevista a intervención de Pau Roca, director xeral da Organización Internacional da Viña e do Viño, París, que falará de El vino patrimonio cultural de los agricultores y del territorio.
A terceira sesión comezará as 18.30 e estará dedicada a Smart cities, emprendimiento, economía naranja y empoderamiento de la mujer. Lucha contra la despoblación. Participarán Ana Landeta, directora xeral do grupo CEF-UDIMA, Eliana Bejarano, emprendedora; Xiaojing Hou, da Universidad Rey Juan Carlos, e Sara Núñez, da Universidad Rey Juan Carlos.
O mércores, día 13, ás 18.00 horas tratarase sobre Tecnología en la lucha contra la despoblación. Intervirán Francisco Cal Pardo, presidente da Asociación de Ingenieros Industriales de Madrid; Salvador Bellver, profesor da Universidad de Valencia; Felipe Debasa, profesor da Universidad Rey Juan Carlos e José Ramón Saura, da URJC.
Para as 19.30 está programada a clausura, a cargo de Gonzalo Ortíz Díaz Tortosa, experto en Asia.
É de lembrar que este proxecto, na súa primeira parte, logrou posicionar a Mondoñedo e os seus produtos típicos na rede de internet gracias á creación dunha web en cinco idiomas (galego, castelán, francés, inglés e chino), así como a posta en marcha unha plataforma web de venda on line que tanto éxito acadou neste período de estado de alarma e confinamento.
Para universitarios, o período de inscricións xa está aberto e concederase 0,4 créditos ECTS para estudantes da URJC por asistir.
O Workshop Mondoñedo Virtual estudará como combater o despoboamento usando os valores rurais, o patrimonio, a tecnoloxía, o emprendemento e a economía laranxa
Relacionado
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
